സ്വത്ത് കൈക്കലാക്കിയ ശേഷം മക്കൾ അച്ചനെ ഉപേക്ഷിച്ചു, അച്ചനെ അനാഥാലയം ഏറ്റെടുത്തു, മക്കൾക്കെതിരെ കേസെടുത്തു
കൊല്ലം: സ്വത്ത് കൈക്കലാക്കിയ ശേഷം അച്ഛനെ ഉപേക്ഷിച്ച മക്കൾക്കെതിരെ പോലീസ് കേസെടുത്തു. അനാഥനായ അച്ഛനെ ഗാന്ധിഭവൻ ഏറ്റെടുത്തു.
കൊല്ലം കോർപറേഷനിൽ അറുന്നൂറ്റിമംഗലം ഡിവിഷനിൽ ശാന്തഭവനത്തിൽ രവീന്ദ്രനാഥ് (85) എന്നയാളെയാണ് സ്വത്ത് തട്ടിയെടുത്ത ശേഷം രണ്ട് ആൺമക്കൾ ഉപേക്ഷിച്ചത്. വൃദ്ധനെ ഗാന്ധി ഭവൻ സ്നേഹാലയം ഏറ്റെടുത്തു. മക്കളായ കൊല്ലം ഇരവിപുരം ദുർഗ്ഗയിൽ പി എൻ അനിൽകുമാർ, കരുനാഗപ്പള്ളി മംഗലശ്ശേരി അജിത്ത് കുമാർ എന്നിവർക്ക് എതിരെയാണ് വാർഡ് കൗൺസിലർ ഡി ജെ ഗിരീഷിൻ്റെ പരാതിയിൽ കേസെടുത്തത്.
വർഷങ്ങൾക്കു മുൻപ് ഇന്ത്യൻ ഓയിൽ കോർപറേഷനിലെ ജോലി രാജി വച്ച് വിദേശത്ത് പോയി വലിയ സാമ്പത്തിക നേട്ടമുണ്ടാക്കി രണ്ടു ആണ്മക്കളായ അജിത്, അനിൽകുമാർ എന്നിവരെ പഠിപ്പിച്ചു വലുതാക്കിയ പിതാവിനെ മക്കൾ ഉപേക്ഷിച്ചു. ഭക്ഷണത്തിനു പോലും മാർഗമില്ലാതെ വലഞ്ഞ രോഗിയായ ഈ വൃദ്ധൻ കഴിഞ്ഞ കുറേ ദിവസങ്ങളായി രോഗ പീഡകൾ അനുഭവിച്ചു വരികയായിരുന്നു.ഉണ്ടാ...