കോളജ് വിട്ടു നടന്നു പോകുമ്പോൾ വിദ്യാർത്ഥിനി റോഡിൽ കുഴഞ്ഞുവീണു മരിച്ചു
പുൽപ്പള്ളി: കോളേജിൽ നിന്ന് ക്ലാസ് കഴിഞ്ഞ്‌ കൂട്ടുകാരോടൊപ്പം നടന്ന് താമസ സ്ഥലത്തേക്ക് പോകുന്നതിനിടെ വിദ്യാര്‍ഥിനി വഴിയിൽ കുഴഞ്ഞുവീണ് മരിച്ചു.പുല്‍പ്പള്ളി പഴശ്ശിരാജാ കോളേജിലെ എംഎസ്‌സി മൈക്രോ ബയോളജി വിദ്യാര്‍ത്ഥിനി, വണ്ടൂർ പള്ളിക്കുന്ന് കുളിക്കാട്ടുപടി നീലേങ്ങോടൻ ഇല്യാസിന്റെയും സുലൈഖയുടെയും മകൾ ഹസ്‌നീന ഇല്യാസ് (23) ആണ് മരിച്ചത്. ഇന്നലെ വൈകുന്നേരം ക്ലാസ് കഴിഞ്ഞി കൂട്ടുകാരിക്കൊപ്പം റോഡരികിലൂടെ നടന്നു പോകുമ്പോൾ
താന്നിത്തെരുവിൽ കുഴഞ്ഞു വീഴുകയായിരുന്നു. സഹപാഠികളും കോളേജ് അധികൃതരും ചേര്‍ന്ന് ഉടൻ പുൽപ്പള്ളി യിലെ സ്വകാര്യ ആശുപത്രിയിലും അവിടെ നിന്ന് മെഡിക്കൽ കോളേജെ ആശുപത്രിയിലും എത്തിച്ചെങ്കിലും രക്ഷിക്കാനായില്ല. മൃതദേഹം മാനന്തവാടി മെഡിക്കൽ കോളജ് മോർച്ചറിയിൽ. ഇന്ന് പള്ളിക്കുന്ന് ജുമാ മസ്ജിദിൽ ഖബറടക്കും. സഹോദരൻ, ഇഷാൻ....
