കൊണ്ടോട്ടിയിലെ വീട്ടിൽനിന്ന്കഞ്ചാവ് പിടികൂടിയ കേസ്:ഒരാൾകൂടി അറസ്റ്റിൽ
കൊണ്ടോട്ടി സ്വദേശിയുടെ വീട്ടിൽനിന്നു കഞ്ചാവും എംഡിഎംഎയും പിടികൂടിയ സംഭവത്തിൽ ഒരാൾകൂടി അറസ്റ്റിലായതായി പൊലീസ് അറിയിച്ചു. നെടിയിരുപ്പ് ചാവനാശ്ശേരി വീട്ടിൽ മുഹമ്മദ് നിഷാദ് (30) ആണ് പിടിയിലായത്.ഒക്ടോബർ മൂന്നിനായിരുന്നു സംഭവം. കൊണ്ടോട്ടി കുറുപ്പത്തെ അഫ്സൽ അലിയുടെ വീട്ടിൽ ഡാൻസാഫ് സംഘവും കൊണ്ടോട്ടി പൊലീസും നടത്തിയ പരിശോധനയിൽ 3.86 കിലോഗ്രാം കഞ്ചാവ്, 35 ഗ്രാം എംഡിഎംഎ എന്നിവ കണ്ടെടുത്തതായി പൊലീസ് അറിയിച്ചിരുന്നു. അഫ്സൽ അലിക്ക് ലഹരി എത്തിച്ചു നൽകിയത് മുഹമ്മദ് നിഷാദ് ആയിരുന്നുവെന്നു പൊലീസ് അറിയിച്ചു. മലപ്പുറം കോടതിയിൽ ഹാജരാക്കിയ ഇയാളെ റിമാൻഡ് ചെയ്തു....