പാലക്കാട്, മലപ്പുറം ജില്ലകളില് അനാവശ്യ ആശുപത്രി സന്ദര്ശനം ഒഴിവാക്കുക
പാലക്കാട് രണ്ടാമത് റിപ്പോര്ട്ട് ചെയ്ത നിപ കേസില് സമ്പര്ക്ക പട്ടിക തയ്യാറാക്കി
തിരുവനന്തപുരം: സ്വകാര്യ ആശുപത്രിയില് മരണമടഞ്ഞ പാലക്കാട് ജില്ലക്കാരനായ 57 വയസുകാരന് നിപ റിപ്പോര്ട്ട് ചെയ്ത സാഹചര്യത്തില് സമ്പര്ക്ക പട്ടിക തയ്യാറാക്കിയതായി ആരോഗ്യ വകുപ്പ് മന്ത്രി വീണാ ജോര്ജ്. മഞ്ചേരി മെഡിക്കല് കോളേജില് നടത്തിയ പരിശോധനയിലാണ് പോസിറ്റീവാണെന്ന് കണ്ടെത്തിയത്. ഉടന് തന്നെ സമ്പര്ക്കത്തിലുള്ളവരെ കണ്ടെത്താനുള്ള കോണ്ടാക്ട് ട്രേസിംഗ് ആരംഭിച്ചു. ഈ വ്യക്തിയുടെ സമ്പര്ക്കപ്പട്ടികയിലുള്ള 46 പേരെ കണ്ടെത്തി. സിസിടിവി ഉള്പ്പെടെയുള്ള വിവരങ്ങള് ശേഖരിച്ചു. ലഭ്യമായ വിവരങ്ങള് അനുസരിച്ച് റൂട്ട് മാപ്പ് തയ്യാറാക്കിയിട്ടുണ്ട്. ഫാമിലി ട്രീയും തയ്യാറാക്കി. പ്രദേശത്ത് ഫീല്ഡ്തല പ്രവര്ത്തനങ്ങള് ശക്തമാക്കി. ഫീവര് സര്വൈലന്സും തുടരുന്നു. മൊബൈല് ടവര് ലൊക്കേഷന് ഉള്പ്പെടെയെടുത്ത് കൂടുതല് നിരീക്ഷണം നടത്തും. പ...