കോടികൾ വിലമതിക്കുന്ന ഹൈബ്രിഡ് കഞ്ചാവുമായി യുവതി കരിപ്പൂരിൽ പിടിയിലായി
കരിപ്പൂർ : കോടികൾ വിലമതിക്കുന്ന ഹൈബ്രിഡ് കഞ്ചാവുമായി യുവതി കരിപ്പൂർ വിമാനത്താവളത്തില്‍ പിടിയിലായി. കണ്ണൂർ പയ്യന്നൂർ തായങ്കേരി എം.ടി.പി.വീട്ടില്‍ മഷൂദ ഷുഹൈബ് (30) ആണ് പിടിയിലായത്. രഹസ്യവിവരത്തിന്റെ അടിസ്ഥാനത്തില്‍ കസ്റ്റംസ് ഉദ്യോഗസ്ഥർ നടത്തിയ പരിശോധനയിലാണ് യുവതി കുടുങ്ങിയത്. ഇവരുടെ പക്കല്‍നിന്നും 23.429 കിലോ ഹൈബ്രിഡ് കഞ്ചാവും പിടിച്ചെടുത്തിട്ടുണ്ട്. ഇതിന് വിപണിയിൽ 23.42 കോടി രൂപ മൂല്യം വരുമെന്ന് കസ്റ്റംസ് പറഞ്ഞു.
ബുധനാഴ്‌ച ബാങ്കോക്കില്‍നിന്ന് യുവതി അബുദാബിയിലെത്തി. അവിടെനിന്ന് വ്യാഴാഴ്‌ച പുലർച്ചെ 2.48-ന് എത്തിയ ഇത്തിഹാദ് ഇവൈ 362 വിമാനത്തിലാണ് കരിപ്പൂരിലിറങ്ങിയത്. രഹസ്യവിവരത്തിന്റെ അടിസ്ഥാനത്തില്‍ കസ്റ്റംസ് പരിശോധന നടത്തുകയായിരുന്നു. ലഗേജ് സ്‌കാനിങ്ങിനിടയില്‍ മിഠായി അടക്കമുള്ള ഭക്ഷണസാധനങ്ങള്‍ക്കിടയിലാണ് കഞ്ചാവ് കണ്ടെത്തിയത്. യുവതിയെ ചോദ്യംചെയ്തുവരുന്നു.സംഭവവുമായി ബന്ധപ്പെട്ട് കൂടുതല്‍ വ...