സമസ്ത പ്രീപ്രൈമറി വിദ്യാലയങ്ങളോടനുബന്ധിച്ച് ‘പ്ലേ സ്കൂളുകള്‍’ ആരംഭിക്കാൻ തീരുമാനം
സമസ്തയുടേതെന്ന പേരിൽ സ്വകാര്യ വ്യക്തികൾ നടത്തുന്ന ഓണ്‍ലൈന്‍ മദ്റസയുമായി ബന്ധമില്ല
കോഴിക്കോട് : സമസ്ത കൈത്താങ്ങ് പദ്ധതിയുടെ ഭാഗമായി ഈ മാസം 27ന് നടക്കുന്ന ഫണ്ട് സമാഹരണം വിജയിപ്പിക്കാന്‍ സമസ്ത കേരള ഇസ്ലാം മത വിദ്യാഭ്യാസ ബോര്‍ഡ് നിര്‍വ്വാഹക സമിതി യോഗം അഭ്യര്‍ത്ഥിച്ചു. മഹല്ല് ശാക്തീകരണം, സംസ്കരണ പ്രവര്‍ത്തനങ്ങള്‍, പ്രസിദ്ധീകരണങ്ങള്‍, ജീവകാരുണ്യ പ്രവര്‍ത്തനങ്ങള്‍ എന്നില ലക്ഷ്യമാക്കി 2015ലാണ് സമസ്ത കൈത്താങ്ങ് പദ്ധതിക്ക് തുടക്കം കുറിച്ചത്. സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറ നിര്‍ണയിച്ച വിഹിതമനുസരിച്ചാണ് ഓരോ മേഖലക്കുമുള്ള വിനിയോഗം നടക്കുന്നത്.പുതുതായി ആറ് മദ്റസകള്‍ക്ക് കൂടി യോഗം അംഗീകാരം നല്‍കി. ഇതോടുകൂടി സമസ്ത കേരള ഇസ്ലാം മത വിദ്യാഭ്യാസ ബോര്‍ഡിന്റെ അംഗീകൃത മദ്റസകളുടെ എണ്ണം 10942 ആയി.മദീന അറബി മദ്റസ, അന്നിശ്ശേരി - ദര്‍വാഡ്, ഹിദായത്തുല്‍ ഇസ്ലാം മദ്റസ ഹള്ളട്ഓനി-നവല്‍ഗുണ്ട് (കര്‍ണാടക), ...
