ട്രെയിനില് തീവെപ്പ് നടത്തിയ അക്രമിയുടെ രേഖാചിത്രം പുറത്ത് വിട്ടു, പ്രതിയെ കുറിച്ച് സൂചന ലഭിച്ചെന്ന് ഡിജിപി
കോഴിക്കോട് : ആലപ്പുഴ- കണ്ണൂര് എക്സിക്ക്യൂട്ടീവ് ട്രെയിനില് തീവെപ്പ് നടത്തിയ അക്രമിയുടെ രേഖാചിത്രം പുറത്തിവിട്ട് പൊലീസ്. മുഖ്യസാക്ഷിയായ റാസിഖ് നല്കിയ വിവരങ്ങളുടെ അടിസ്ഥാനത്തിലാണ് രേഖാ ചിത്രം തയ്യാറാക്കിയത്. പ്രതിയെ കുറിച്ച് നിര്ണായക വിവരങ്ങള് ലഭിച്ചതായി സംസ്ഥാന പൊലീസ് മേധാവി അനില് കാന്ത് അറിയിച്ചു. അന്വേഷണത്തിന് പ്രത്യേകസംഘം രൂപീകരിക്കും. ഉത്തര മേഖല ഐജിയുടെ മേല്നോട്ടത്തിലാണ് അന്വേഷണം നടക്കുക. ആക്രമണത്തില് ഗൂഢാലോചനയുണ്ടോയെന്ന് അന്വേഷണത്തിനു ശേഷമേ പറയാനാകൂവെന്നും ഡിജിപി വ്യക്തമാക്കി.
പ്രതി ഇതര സംസ്ഥാന തൊഴിലാളിയെന്ന സൂചനയിലൂന്നിയാണ് പൊലീസ് അന്വേഷണം പുരോഗമിക്കുന്നത്. ടൗണ്, മെഡിക്കല് കോളേജ്, അസിസ്റ്റന്റ് കമ്മീഷണര്മാരും, റൂറല് എസ്എസ്ബി ഡിവൈഎസ്പി എന്നിവര് എലത്തൂര് സ്റ്റേഷനില് എത്തിച്ചേര്ന്നിട്ടുണ്ട്. ഇതിനിടയില്, അക്രമിയുടേതെന്ന് സംശയിക്കുന്നയാളുടെ സിസിടിവി ദൃശ്യങ്ങളും പുറ...