ആഗോള പരിസ്ഥിതി ദിനം വിപുലമായി ആഘോഷിച്ചു
കുണ്ടൂർ: പി എം എസ് ടി കോളേജ് എൻഎസ്എസ് യൂണിറ്റിന്റെ ആഭിമുഖ്യത്തിൽ നടന്ന പരിസ്ഥിതി ദിനാചരണം തിരൂരങ്ങാടി നിയോജകമണ്ഡലം എംഎൽഎ കെ പി എ മജീദ് വൃക്ഷത്തൈ നട്ടുകൊണ്ട് ഉദ്ഘാടനം ചെയ്തു. തുടർന്ന് അദ്ദേഹം പരിസ്ഥിതി ദിന സന്ദേശം കൈമാറി.
കോളേജ് പ്രിൻസിപ്പൽ പ്രൊഫസർ. കെ. ഇബ്രാഹിം അധ്യക്ഷനായ ചടങ്ങിൽ എൻഎസ്എസ് കോർഡിനേറ്റർ .പി.സിറാജുദ്ദീൻ സ്വാഗതവും, മാനേജ്മെന്റ് കമ്മിറ്റി അംഗങ്ങളായ കെ. കുഞ്ഞിമരക്കാർ, എംസി ഹംസക്കുട്ടി ഹാജി, എംസി ബാവ ഹാജി, പി ഹമീദ് ഹാജി എന്നിവരും, വിവിധ ഡിപ്പാർട്ട്മെന്റ് മേധാവികളും, ഊർപ്പായി മുസ്തഫ, ടി കെ നാസർ എന്നിവരും പങ്കെടുത്തു. കൊമേഴ്സ് വിഭാഗം അധ്യാപകൻ അബ്ദുള്ള മൻസൂർ. പി നന്ദിയും പറഞ്ഞു.
പരിപാടിയുടെ ഭാഗമായി ക്യാമ്പസ് ശുചീകരണവും, വൃക്ഷത്തൈ നടലും, അയൽ വീടുകളിലേക്ക് വൃക്ഷത്തൈ ദാനവും, ശുചീകരണ ബോധവൽക്കരണവും നടത്തി.
...
