ബാറില്‍ വച്ച് തര്‍ക്കം ; യുവാവിനെ കാറില്‍ തട്ടികൊണ്ടുപോയി മര്‍ദിച്ചു ; മൂന്ന് പേര്‍ അറസ്റ്റില്‍, നടി ലക്ഷ്മി മേനോനെ ചോദ്യം ചെയ്യും, നടി ഒളിവിലെന്ന് സൂചന
കൊച്ചി : ബാറില്‍ വച്ചുണ്ടായ തര്‍ക്കത്തെ തുടര്‍ന്ന് ഐടി ജീവനക്കാരനെ തട്ടിക്കൊണ്ടുപോയി മര്‍ദിച്ച കേസില്‍ നടി ലക്ഷ്മി മേനോനെ ചോദ്യം ചെയ്യാന്‍ പൊലീസ്. സംഭവത്തില്‍ യുവതി ഉള്‍പ്പടെ മൂന്നുപേരെ ഇന്നലെ അറസ്റ്റ് ചെയ്തിരുന്നു. തട്ടിക്കൊണ്ടു പോയ വാഹനത്തില്‍ പ്രമുഖ നടി ഉണ്ടായിരുന്നതായി പോലീസ് കണ്ടെത്തി. എന്നാല്‍ ഇവര്‍ക്കെതിരെ യുവാവ് പരാതി നല്‍കിയിട്ടില്ല. വിശദമായി ചോദ്യം ചെയ്ത ശേഷം പ്രതി ചേര്‍ക്കുന്ന കാര്യത്തില്‍ തീരുമാനമെടുക്കുമെന്ന് പൊലീസ് അറിയിച്ചു.
നടിക്കൊപ്പം മിഥുന്‍, അനീഷ്, സോനാ മോള്‍ എന്നിവര്‍ ആയിരുന്നു കാറിലുണ്ടായിരുന്നതെന്ന് പൊലീസ് എഫ്‌ഐആറില്‍ പറയുന്നു. മിഥുനെയും അനീഷിനെയും സോനാ മോളെയും എറണാകുളം നോര്‍ത്ത് പൊലീസ് അറസ്റ്റു ചെയ്തിരുന്നു. ലക്ഷ്മി മേനോനെയും പൊലീസ് ചോദ്യം ചെയ്യുമെന്നാണ് വിവരം. എന്നാല്‍ ഇവര്‍ ഒളിവിലാണെന്നും സൂചനകളുണ്ട്.
ഞായറാഴ്ച കൊച്ചിയിലെ ബാനര്‍ജി റോഡിലുള്ള ബാറില്‍ വച്ചായിരുന്...
