ജിവിഎച്ച്എസ്എസ് ചേളാരിയില്‍ വിദ്യാര്‍ത്ഥികള്‍ക്കായി നിയമ ബോധവല്‍ക്കരണ ക്ലാസ്സ് സംഘടിപ്പിച്ചു
തിരുരങ്ങാടി : ഡിസ്ട്രിക്ട് ലീഗല്‍ സര്‍വീസ് അതോറിറ്റി, മഞ്ചേരിയും തിരുരങ്ങാടി താലൂക്ക് ലീഗല്‍ സര്‍വീസ് കമ്മിറ്റിയും സംയുക്തമായി ജിവിഎച്ച്എസ്എസ് ചേളാരിയുടെ സഹകരണത്തോടെ നിയമ ബോധവല്‍ക്കരണ ക്ലാസ്സ് സംഘടിപ്പിച്ചു. പരിപാടി ഡിഎല്‍എസ്എ സെക്രട്ടറി/സബ് ജഡ്ജ് ഷാബിര്‍ ഇബ്രാഹിം എം ഉദ്ഘാടനം ചെയ്തു. തുടര്‍ന്ന് അദ്ദേഹം വിദ്യാര്‍ത്ഥികളുമായി സംവദിച്ചു.
അഡ്വക്കേറ്റ് എം സി അനീഷ് പോക്‌സോ നിയമത്തെ കുറിച്ച് ക്ലാസ്സ് എടുത്തു.സ്‌കൂള്‍ ഹെഡ് മിസ്‌ട്രെസ് ലത ടീച്ചര്‍ അധ്യക്ഷത വഹിച്ചു .100 ഇല്‍ അധികം വിദ്യാര്‍ഥികള്‍ പങ്കെടുത്തു. പരിപാടിയില്‍ പാരാ ലീഗല്‍ വോളന്റീര്‍സ് ആയ ഹൈരുന്നിസ, സരിത,സിന്ധു, സജിനി മോള്‍,ശിവദാസന്‍, റഷീദ്, തുടങ്ങിയവരും പങ്കെടുത്തു.
...