Tag: Nh accident

തേഞ്ഞിപ്പലം: ദേശീയപാതയിലെ കോഹിനൂർ മേഖലയിൽ നിർത്തിയിട്ട ലോറിയുടെ പിറകിൽ കാറിടിച്ച് മൂന്ന് പേർക്ക് പരിക്ക്. വ്യാഴം രാത്രി ഉണ്ടായ വാഹനാപകടത്തിൽ ഒരു കുടുംബത്തിലെ മൂന്ന് പേർക്ക് ഗുരുതരമായി പരിക്കേറ്റു. രാത്രി 11.40 ഓടെയായിരുന്നു അപകടം. കോഴിക്കോട് ഭാഗത്തുനിന്ന് തൃശ്ശൂരിലേക്ക് പോകുകയായിരുന്ന ഇന്നോവ കാർ നിയന്ത്രണം വിട്ട് റോഡരികിൽ പാർക്ക് ചെയ്തിരുന്ന ലോറിയുടെ പിറകിൽ ഇടിക്കുകയായിരുന്നു. ശക്തമായ മഴ പെയ്തിരുന്ന സമയമായതിനാൽ അപകടം നടന്ന ഉടൻ സ്ഥലത്ത് ആളുകൾ എത്താൻ വൈകി. അപകടം കണ്ട ഒരാൾ നാട്ടുകാരെ വിവരമറിയിച്ചതിനെ തുടർന്ന് നിരവധി പേർ രക്ഷാപ്രവർത്തനത്തിനായി സ്ഥലത്തെത്തി. കാറിൽ ഉണ്ടായിരുന്ന ഭർത്താവും ഭാര്യയും മറ്റൊരു സ്ത്രീയും ഉൾപ്പെടെ മൂന്ന് പേരാണ് അപകടത്തിൽപ്പെട്ടത്. തൃശ്ശൂർ കേച്ചേരി സ്വദേശികളാണെന്നാണ് പ്രാഥമിക വിവരം. ഗൾഫിൽ നിന്ന് അടുത്തിടെ നാട്ടിലെത്തിയ ആളും കുടുംബവും കോഴിക്കോട് ബീച്ച് സന്ദർശിച്ച്...