തിരൂരിൽ കാണാതായ യുവതിയുടെ മൃതദേഹം ചാക്കിൽ കെട്ടിയ നിലയിൽ കണ്ടെത്തി
തിരൂർ : പടിഞ്ഞാറേക്കരയിൽ നിന്നും കാണാതായ ദമ്പതികളിൽ യുവതിയുടെ മൃതദേഹം ചാക്കിൽ കെട്ടിയ നിലയിൽ കണ്ടെത്തി. പുറത്തൂർ പടിഞ്ഞാറേക്കര അമ്പലപ്പടി സ്വദേശിനി അണ്ടിപ്പാട്ട് ഫൗസിയ (37) യുടെ മൃതദേഹമാണ് കണ്ടെത്തിയത്. ഫൗസിയയെയും ഭർത്താവ്, ഹുസൈനെയും (40) ഇന്നലെ വ്യാഴാഴ്ച ഉച്ചയ്ക്ക് ശേഷമാണ് കാണാതായത്. ഉച്ചയ്ക്ക് ഒരു മണിക്കും വൈകുന്നേരം ആറ് മണിക്കും ഇടയിലുള്ള സമയത്ത് വീട്ടിൽ കിടന്നുറങ്ങുകയായിരുന്ന ഫൗസിയയെ മീൻ വാരാൻ എന്ന് പറഞ്ഞു ഉപ്പ ഹുസൈൻ വിളിച്ചു കൊണ്ട് പോയി എന്നാണ് മകൻ ഷബീബ് തിരൂർ പൊലീസിൽ നൽകിയ പരാതിയിൽ പറയുന്നത്. സംഭവത്തിൽ തിരൂർ പോലീസ് അന്വേഷണം നടക്കുന്നുകൊണ്ടിരിക്കുന്നതിനിടെയാണ് പടിഞ്ഞാറേക്കര ജെട്ടി ലൈനിൽ ചാക്കിൽ കെട്ടിയ നിലയിൽ മൃതദേഹം കണ്ടെത്തിയത്. ഭർത്താവിനെ കുറിച്ച് വിവരം ലഭിച്ചിട്ടില്ല. സംഭവത്തിൻ്റെ കൂടുതൽ വിവരങ്ങൾ അറിയാവി വരുന്നുള്ളൂ....
