സൗദിയിൽ ഏറ്റവും പ്രായം കൂടിയ ആൾ മരിച്ചു
നാല്പതു തവണ ഹജ്ജ് കര്മം നിര്വഹിച്ചു
റിയാദ്: സൗദി അറേബ്യയിലെ ഏറ്റവും പ്രായം കൂടിയ വ്യക്തി എന്നവകാശപ്പെടുന്ന നാസര് ബിന് റദാന് ആലുറാശിദ് അല്വാദഇ റിയാദില് അന്തരിച്ചു. 142 വയസ്സിലാണ് മരണം സംഭവിച്ചത്.
അധുനിക സൗദി അറേബ്യയുടെ സ്ഥാപകനായ അബ്ദുല് അസീസ് രാജാവ് രാജ്യം ഏകീകരിക്കുന്നതിന് സാക്ഷ്യം വഹിച്ചയാളാണ് നാസര് അല്വാദഇ. അബ്ദുല് അസീസ് രാജാവ്, സൗദ് രാജാവ്, ഫൈസല് രാജാവ്, ഖാലിദ് രാജാവ്, ഫഹദ് രാജാവ്, അബ്ദുല്ല രാജാവ് മുതല് തിരുഗേഹങ്ങളുടെ സേവകന് സല്മാന് രാജാവിന്റെ കാലഘട്ടം വരെയുള്ള രാജ്യത്തിന്റെ പ്രയാണത്തിനും ചരിത്രത്തിനും സാക്ഷ്യം വഹിച്ചു.
ദക്ഷിണ സൗദിയിലെ അസീര് പ്രവിശ്യയില് പെട്ട ദഹ്റാന് അല്ജനൂബില് ഹിജ്റ 1305 ലാണ് ജനനം. ജനിക്കുന്നതിനു മുമ്പു തന്നെ പിതാവ് മരണപ്പെട്ടിരുന്നു. വളരെ ചെറുപ്പത്തില് തന്നെ സൗദിയിലെ വിവിധ പ്രദേശങ്ങളിലും യെമനിലും ജീവിതമാര്ഗം തേടി സഞ്ചരിച്ചു. മുഴുവന്...
