മകന്റെ പാസിംഗ് ഔട്ട് പരേഡ് കാണാന് വീല് ചെയറിലെത്തി വേണുഗോപാലന്
ഇന്ത്യ റിസര്വ് ബറ്റാലിയനില് പരിശീലനം പൂര്ത്തിയാക്കിയ സേനാംഗങ്ങളുടെ പാസ്സിംഗ് ഔട്ടിന് ശേഷം പരേഡ് ഗ്രൗണ്ട് വികാരപരമായ പല രംഗങ്ങള്ക്കും സാക്ഷിയായി. അതിലൊന്ന് ഗുരുവായൂര് ഇരിങ്ങപ്പുറം സ്വദേശി വേണുഗോപാലന് മകന് വിഷ്ണുവിന്റെ പാസിംഗ് ഔട്ട് പരേഡ് കാണാന് വീല് ചെയറിലെത്തിയതാണ്. 15 വര്ഷം മുമ്പ് ജോലിക്കിടെ ടെറസില് നിന്ന് വീണ് സ്പൈനല് കോഡിന് ക്ഷതം സംഭവിച്ചു അരക്ക് താഴെ തളര്ന്നു കിടക്കുന്ന അച്ഛന് സ്വന്തം മകന് പരിശീലനം പൂര്ത്തിയാക്കി നാടിനും ജനങ്ങള്ക്കും വേണ്ടി സേവനത്തിന് ഇറങ്ങുന്ന മുഹൂര്ത്തം കാണാതിരിക്കാനാവില്ലല്ലോ. പരിമിതികളും പ്രയാസങ്ങളും മറികടന്ന് കുടുംബ സമേതമാണ് പരേഡ് വീക്ഷിക്കാന് പാണ്ടിക്കാട് ഐ.ആര്.ബി പരേഡ് ഗ്രൗണ്ടില് എത്തിയത്. ബിരുദ പഠനം പൂര്ത്തിയാക്കിയ വിഷ്ണു അച്ഛന് ഒരു താങ്ങാവണം അതിനൊരു സര്ക്കാര് ജോലി വേണമെന്ന ആ ഗ്രഹത്തോടെയാണ് പി.എസ്.സി പരീക്ഷയെഴുതി കേരള പോലീസില് ചേരുന്നത്...