ട്രെയിന്‍ യാത്രയ്ക്ക് ഒരുങ്ങുകയാണോ.. എങ്കില്‍ ഇക്കാര്യങ്ങള്‍ ശ്രദ്ധിച്ചോളൂ… ; ഇന്ന് മുതല്‍ റെയില്‍വേയില്‍ നിര്‍ണായക മാറ്റങ്ങള്‍ നടപ്പാക്കുന്നു
ദില്ലി : നിങ്ങള്‍ ട്രയിന്‍ യാത്രക്ക് തയ്യാറെടുക്കുകയാണെങ്കില്‍ ഇക്കാര്യങ്ങള്‍ അറിഞ്ഞിരുന്നോളൂ. റെയില്‍വേയില്‍ ഇന്നു മുതല്‍ നിര്‍ണായക മാറ്റങ്ങള്‍ നടപ്പാകുകയാണ്. ടിക്കറ്റ് നിരക്ക്, റിസര്‍വേഷന്‍ ചാര്‍ട്ട് തയാറാക്കല്‍, തത്കാല്‍ ബുക്കിങ്, ടിക്കറ്റ് റീഫണ്ട് തുടങ്ങിയവയിലാണു മാറ്റങ്ങള്‍.
ടിക്കറ്റ് നിരക്കില്‍ വര്‍ധന
ടിക്കറ്റ് നിരക്കിലെ വര്‍ധന ഇന്നു പ്രാബല്യത്തില്‍ വരും. എക്‌സ്പ്രസ് ട്രെയിനുകളില്‍ എസി കോച്ചിന് കിലോമീറ്ററിന് 2 പൈസയും സെക്കന്‍ഡ് ക്ലാസില്‍ ഒരു പൈസയുമാണു വര്‍ധിക്കുക. ഓര്‍ഡിനറി ട്രെയിനുകളില്‍ 500 കിലോമീറ്റര്‍ വരെയുള്ള സെക്കന്‍ഡ് ക്ലാസ് യാത്രയ്ക്കു നിരക്കില്‍ മാറ്റമില്ല. 500 കിലോമീറ്ററിനു മുകളിലെങ്കില്‍ കിലോമീറ്ററീന് അര പൈസ വര്‍ധനയുണ്ടാകും സീസണ്‍ ടിക്കറ്റിന് നിരക്കു വര്‍ധന ഇല്ല. നേരത്തെ റിസര്‍വ് ചെയ്ത ടിക്കറ്റുകള്‍ക്ക് വര്‍ധന ബാധകമല്ല.
സബര്‍ബന്‍ ട്രെയിനുകള്‍ക്കും 500 ...