ഉറക്കത്തില് നിന്ന് എഴുന്നേല്പ്പിക്കാന് വൈകി ; മകന് പിതാവിനെ കൊലപ്പെടുത്തി
തൃശൂര്: തൃശ്ശൂരിലെ ചേര്പ്പില് കോടന്നൂരിനടുത്ത് ഉറക്കത്തില് നിന്ന് എഴുന്നേല്പ്പിക്കാന് വൈകിയതിന് മകന് അച്ഛനെ കൊലപ്പെടുത്തി. കോടന്നൂര് ആര്യംപാടം ചിറമ്മല് വീട്ടില് ജോയിയാണ് (60) മരിച്ചത്. സംഭവത്തില് മകന് റിജോയെ (25) പോലീസ് കസ്റ്റഡിയിലെടുത്തു. വെള്ളിയാഴ്ച രാത്രി ഒമ്പതരയോടെയാണ് കൊലപാതകം നടന്നത്.
റിജോ വെല്ഡിങ് ജോലിക്കാരനാണ്. സ്ഥിരമായി മദ്യപിക്കുന്ന റിജോ വെള്ളിയാഴ്ച ഉച്ചതിരിഞ്ഞ് മദ്യപിച്ച് വീട്ടിലെത്തിയ റിജോ രാത്രി 8.15ന് വിളിക്കണമെന്ന് വീട്ടുകാരോട് പറഞ്ഞ് ഏല്പ്പിച്ചിരുന്നു. എന്നാല് 8.30 ഓടെ റിജോയെ വിളിച്ചെഴുന്നേല്പ്പിക്കുകയായിരുന്നു. ഇതിനെ തുടര്ന്ന് വിളിക്കാന് നേരം വൈകിയെന്നുപറഞ്ഞ് വീട്ടുകാരുമായി തര്ക്കത്തിലാവുകയായിരുന്നുവെന്നാണ് പോലീസ് പറയുന്നത്. വാക്കേറ്റത്തിനിടെ പ്രകോപിതനായ റിജോ പിതാവിനെ ഇടിച്ച് താഴെയിടുകയും തലപിടിച്ച് നിലത്തിടിക്കുകയും ചെയ്തുവെന്നാണ് വിവരം. തലയ്ക്ക് ഗുര...
