വനമഹോത്സവം സമാപിച്ചു
മലപ്പുറം : കേരള വനം-വന്യജീവി വകുപ്പ്, മലപ്പുറം സോഷ്യൽ ഫോറസ്ട്രി ഡിവിഷന്റെ ആഭിമുഖ്യത്തിൽ നടത്തിയ വനമഹോത്സവം-2023ന്റെ സമാപനം മലപ്പുറം ഗവ. കോളേജിൽ പി. ഉബൈദുള്ള എം.എൽ.എ ഉദ്ഘാടനം ചെയ്തു. പരിപാടിയോടനുബന്ധിച്ച് കോളജ് അങ്കണത്തിൽ നാട്ടുമാവിൻ തൈകൾ നട്ടുപിടിപ്പിച്ചു. മലപ്പുറം നഗരസഭാ കൗൺസിലർ ജുമൈല ജലീൽ അധ്യക്ഷത വഹിച്ചു. മലപ്പുറം സോഷ്യൽ ഫോറസ്ട്രി അസിസ്റ്റന്റ് ഫോറസ്റ്റ് കൺസർവേറ്റർ വി.പി. ജയപ്രകാശ് മുഖ്യപ്രഭാഷണം നടത്തി.
മലപ്പുറം ഗവ. കോളേജ് പ്രിൻസിപ്പൽ ഡോ. ഖദീജ, എൻ.എസ്.എസ് പ്രോഗ്രാം ഓഫീസർമാരായ അസി. പ്രൊഫസർ സാബിദ മൂഴിക്കൽ, അസി. പ്രൊഫ. ടി. സജയൻ, നിലമ്പൂർ സോഷ്യൽ ഫോറസ്ട്രി റെയിഞ്ച് ഫോറസ്റ്റ് ഓഫീസർ എ.കെ. രാജീവൻ എന്നിവർ സംസാരിച്ചു. മലപ്പുറം സോഷ്യൽ ഫോറസ്ട്രി റെയിഞ്ച് ഫോറസ്റ്റ് ഓഫീസർ പി.എസ്. മുഹമ്മദ് നിഷാൽ സ്വാഗതവും സെക്ഷൻ ഫോറസ്റ്റ് ഓഫീസർ എസ്.എസ് വിനോദ് നന്ദിയും പറഞ്ഞു
...