പരപ്പനങ്ങാടി – നഗരസഭ 15ാം ഡിവിഷനിലെ വർഷങ്ങളായി തകർന്ന് കിടന്നിരുന്ന അട്ടക്കുളങ്ങര അങ്കണവാടിറോഡ് ഡിവിഷൻ കൗൺസിലർമമ്മിക്ക കത്ത് സമീറിൻ്റെ നേതൃത്വത്തിൽ ഗുണഭോക്താക്കളുടെ സഹകരണത്തോടെ ഗതാഗത യോഗ്യമാക്കി. മുൻ ഡി വിഷൻ കൗൺസിലറുടെയും പ്രദേശത്തെ പൊ പ്രവർത്തകരുടെയും നാട്ടുകാരുടെയും ശ്രമഫലമായാണ് അങ്കണവാടിയിലേക്ക് റോഡ് നിർമ്മിച്ചത്.മഴക്കാലമാകുന്നതോടെ കുട്ടികൾക്ക് അങ്കണവാടിയിൽ പോകുന്നതും വാഹന ങ്ങൾ കടന്നു പോകാൻ പറ്റാത്തതിനാൽ ഭക്ഷ്യധാന്യങ്ങളും മറ്റും എത്തിച്ചിരുന്നതും ദുഷ്ക്കര പാതയിലൂടെയായിരുന്നു. റോഡ് നന്നാക്കണമെന്നാവശ്യപ്പെട്ട് നിരവധി തവണ ജനപ്രതിനിധികൾക്കും അധികാരികൾക്കും നിവേദനങ്ങൾ സമർപ്പിച്ചിട്ടും നടപടിയൊന്നുമാവാത്തതിനാലാണ് കൗൺസിലറും പ്രദേശവാസികളും സ്വന്തമായി പണം മുടക്കി ചെളി നിറഞ്ഞ റോഡ് ഗതാഗതമാക്കിയത്.ഇനി ഫണ്ട് ലഭിക്കുന്ന മുറയ്ക്ക് പാർശ്വഭിത്തി കെട്ടുന്നതടക്കമുള്ള മറ്റു ജോലികൾ ചെയ്യുമെന്ന് കൗൺസിലർ മമ്മിക്ക കത്ത് സമീർ പറഞ്ഞു.
