തിരൂരങ്ങാടി: വെഞ്ചാലി – കണ്ണാടി തടം റോഡ് കോൺക്രീറ്റ് ചെയ്യുന്ന ഗവൺമെന്റ് കോൺട്രാക്ടറായ മുഹസിൻ എന്നവർ കോൺക്രീറ്റ് ചെയ്ത റോഡ് നനക്കുന്നതിനായി കൊണ്ടുവന്ന പെട്രോൾ പമ്പ് സ്സെറ്റ് റോഡരികിൽ വച്ച് ടാർപോളിൻ കൊണ്ട് മൂടിയിരുന്നത് ജനുവരി ഒന്നാം തിയ്യതി സ്ഥലത്തു നിന്നും നഷ്ടപെട്ടിരുന്നു. അന്നു തന്നെ തിരൂരങ്ങാടി പോലീസ് സ്ഥലത്തെത്തി സ്ഥലത്ത് പല സിസിടിവികളും പരിശോധിച്ചതിനെ തുടർന്ന് ഒരു സി സി ടി വി യിൽ പമ്പ് സെറ്റ് കൊണ്ടു പോകുന്ന വ്യകത്മല്ലാത്ത ദൃശ്യം ലഭിച്ചിരുന്നു. ആ വീഡിയോയിലെ രണ്ടു പേരുടെ രൂപസാദ്യശ്യം കണ്ടെത്തുന്നതിന് പ്രദേശത്തെ നിരവധി വാട്സ് ആപ്പ് ഗ്രൂപ്പുകളിലേക്ക് അയച്ചു കൊടുക്കുകയും, വിവിധ ഷോപ്പുകളുടെ വാട്സ് ആപ്പ് കൂട്ടായ്മകളിലേക്കും വീഡിയോ പ്രചരിപ്പിച്ചിരുന്നു. അതിനിടയിലാണ് ഒരു പമ്പ് സെറ്റ് വെഞ്ചാലി പാടത്ത് ഉപേക്ഷിക്കപ്പെട്ട നിലയിൽ കിടപ്പുണ്ടെന്ന് വിവരം ലഭിച്ചതിന്റെ അടിസ്ഥാനത്തിൽ തിരൂരങ്ങാടി പോലീസ് സ്റ്റേഷൻ പി.ആർ. ഒ അനിൽ കുമാർ സി , സിപി. ഒ മാരായ ലക്ഷ്മണൻ , നിഖിൽ കൃഷ്ണ എന്നവർ സ്ഥലത്തെത്തി പാടത്തിന്റെ അരിക്കിലുള്ള കുറ്റിക്കാട്ടിൽ നിന്നും പമ്പ് സെറ്റ് പുറത്തെടുത്തു. ശേഷം പരാതിക്കാരനെ വിളിച്ചു വരുത്തി കളവുപോയ പമ്പ് സെറ്റാണെന്ന് ഉറപ്പു വരുത്തി. പമ്പ് സെറ്റ് കിട്ടിയെങ്കിലും പ്രതികളെ കണ്ടെന്നുന്നതിനുള്ള അന്വേഷണം തുടരുമെന്ന് സബ് ഇൻസ്പെക്ടർ പ്രിയൻ. SK പറഞ്ഞു.
