ബെംഗളൂരു : കന്നട സിനിമ, സീരിയല് നടന് സമ്പത്ത് ജെ.റാം(35)നെ വീട്ടില് മരിച്ച നിലയില് കണ്ടെത്തി. ബെംഗളൂരുവിലെ നെലമംഗലയിലെ വീട്ടില് ശനിയാഴ്ചയാണ് സംഭവം. സമ്പത്തിന്റെ സുഹൃത്തും നടനുമായ രാജേഷ് ധ്രുവയാണ് മരണവിവരം ഫെയ്സ്ബുക്കിലൂടെ പങ്കുവച്ചത്. സമ്പത്തിന്റെ നാടായ എന്ആര് പുരയിലാണ് സംസ്കാരം.
താരത്തിന്റെ വിയോഗത്തില് ഞെട്ടിയിരിക്കുകയാണ് കന്നഡ ടെലിവിഷന് താരങ്ങള്. കഴിഞ്ഞ വര്ഷമാണ് സമ്പത്തിന്റെ വിവാഹം കഴിഞ്ഞത്. അഭിനയരംഗത്ത് അവസരങ്ങള് കുറഞ്ഞതിലുള്ള നിരാശയില് ആത്മഹത്യ ചെയ്തതാണെന്നാണ് പൊലീസിന്റെ നിഗമനം. അവസരങ്ങള് കുറഞ്ഞതില് സമ്പത്ത് ദുഃഖിതനായിരുന്നെന്ന് സഹപ്രവര്ത്തകര് പറയുന്നു.
അഗ്നിസാക്ഷി എന്ന സീരിയിലിലൂടെയാണ് സമ്പത്ത് ആളുകള്ക്ക് പരിചിതനാകുന്നത്. ബാലാജി ഫൊട്ടോ സ്റ്റുഡിയോ എന്ന സിനിമയിലും അഭിനയിച്ചിട്ടുണ്ട്.