കോട്ടക്കൽ : മദ്യ ലഹരിയിൽ യുവാവ് ഓടിച്ച കാറിടിച്ച് സ്കൂട്ടർ യാത്രക്കാരൻ മരണപ്പെട്ട സംഭവത്തിൽ കാർ ഡ്രൈവർ അറസ്റ്റിൽ.
പറപ്പൂർ പുത്തനാരക്കൽ ചോലപ്പുറത്ത് അക്ബർ അലി (34) യെയാണ് വേങ്ങര പോലീസ് അറസ്റ്റ് ചെയ്തത്.
ഇന്നലെ രാത്രിയാണ്
ഒതുക്കുങ്ങൽ കുഴിപ്പുറം കവലയിൽ കാറിടിച്ച് സ്കൂട്ടർ യാത്രക്കാരനായ അധ്യാപകൻ മരിച്ചത്.
മറ്റത്തൂർ കുഴിപ്പുറം അമ്പലവൻ കുളപ്പുരയ്ക്കൽ ഇബ്രാഹിമിൻ്റെ മകൻ എ കെ ഷറഫുദ്ദീൻ (37) ആണ് മരിച്ചത്.
മദ്യലഹരിയിൽ അക്ബർ അലി ഓടിച്ച കാർ സ്കൂട്ടറിൽ ഇടിക്കുകയായിരുന്നു.
ഇടിയുടെ ആഘാതത്തിൽ ഷറഫുദ്ദീൻ തൊട്ടടുത്ത പറമ്പിലേക്ക് തെറിച്ചു വീണു. അപകടത്തിൽ കൂടെയുണ്ടായിരുന്ന സുഹൃത്ത് ഹബീബിനും പരിക്കേറ്റു. ഹബീബ് പറഞ്ഞാണ് പറമ്പിലേക്ക് തെറിച്ചു വീണ ഷറഫുദ്ദീനെ പിന്നീട് കണ്ടെത്തുന്നത്. ഒതുക്കുങ്ങൽ കുഴിപ്പുറം റോഡിൽ കുഴിപ്പുറം കവലയിൽ വെച്ചാണ് അപകടം.
ഇന്നലെ രാത്രി തന്നെ കാർ ഡ്രൈവറെ പോലീസ് കസ്റ്റഡിയിൽ എടുത്തിരുന്നു. ഇന്ന് അറസ്റ്റ് രേഖപ്പെടുത്തി.