കൊണ്ടോട്ടി: മാപ്പിള കലാ സാഹിത്യ മേഖല യിലെ സമഗ്ര സംഭാവനക്ക് ഇശൽ രചന കലാ സാഹിത്യ വേദി നൽകുന്ന രണ്ടാമത് വി.എം കുട്ടി ,യു.കെ. അബൂസഹ് ല സ്മാരക പുരസ്കാരങ്ങൾപ്രഖ്യാപിച്ചു.പ്രശസ്ത ഗായിക വിളയിൽ ഫസീലയും മാപ്പിള കവി ബാപ്പു വെള്ളിപ്പറമ്പും പുരസ്കാരത്തിന് അർഹരായി.
ക്യാഷ് അവാർഡുംപ്രശസ്തിപത്രവും ഫലകവും അടങ്ങുന്നതാണ് പുരസ്കാരം. നന്നെ ചെറുപ്പ ത്തിൽ വി.എം. കുട്ടിയുടെ ഗാനമേള ട്രൂപ്പിലൂടെ മാപ്പിളപ്പാട്ട് രംഗത്ത് ശ്രദ്ധ നേടിയ ഗായികയാണ് വിളയിൽ ഫസീല.1000 ത്തിലേറെ ഹിറ്റ് മാപ്പിള പ്പാട്ടുകൾ പാടിയ ഫസീല 1921 ഉൾപ്പെടെ സിനിമയിലും പാടിയിട്ടുണ്ട്. മാപ്പിളപ്പാട്ട് രചന രംഗത്ത് ശ്രദ്ധേയനായ ബാപ്പു വെള്ളിപ്പറമ്പ്
6000 ത്തിലേറെ ഹിറ്റു പാട്ടുകൾ എഴുതിയിട്ടുണ്ട്.
യേശുദാസ് , ചിത്ര ഉൾപ്പെടെയുള്ളവർ ഇദ്ദേഹ ത്തിന്റെ പാട്ടുകൾ പാടി മാപ്പിളപ്പാട്ട് രംഗത്തും
ശ്രദ്ധ നേടിയിട്ടുണ്ട്.മെയ് 28 ന് പുളിക്കലിൽ നടക്കുന്ന രചനോത്സവം -2023′ ചടങ്ങിൽ പുരസ്കാരങ്ങൾ സമ്മാനിക്കുമെന്ന് ഇശൽ രചന കലാ സാഹിത്യ വേദിയുടെ രചനോത്സവം സംഘാടകരായ അഷ്റഫ് പാലപ്പെട്ടി, യു.കെ. അബ്ദുസ്സലാം,അഷ്റഫ് പുളിക്കൽ, ശിഹാബ് കാരാപറമ്പ് , പി.വി.ഹസീബ് റഹ്മാൻ,ഹമീദ് ആദൃശ്ശേരി,സാബി തെക്കേപുറം,ലുബി കൊണ്ടോട്ടി എന്നിവർ അറിയിച്ചു. ചടങ്ങിൽ പ്രശസ്ത രചയിതാക്കളും ഗായകരും പങ്കെടുക്കും.