ചുള്ളിപ്പാറ : തിരൂരങ്ങാടി ഗ്ലോബൽ കെ.എം.സി.സിയുടെ ആഭിമുഖ്യത്തിൽ പ്രദേശത്തെ എസ്.എസ്.എൽ.സി ,പ്ലസ് ടു വിജയികളായവരെയും ഹൈസ്കൂൾ ഫിസിക്കൽ എജ്യൂക്കേഷൻ വിഭാഗത്തിൽ പി.എസ്.സി.പരീക്ഷയിൽ ഒന്നാം റാങ്ക് നേടിയ നിസാർ അലി കൂർമത്ത് എന്നിവരെ സ്നേഹാദരം നൽകി ആദരിച്ചു.
ചുള്ളിപ്പാറ എ.എം.എൽ.പി.സ്കൂളിൽ നടന്ന പരിപാടി മുൻ വിദ്യാഭ്യാസ വകുപ്പ് മന്ത്രി പി.കെ.അബ്ദുറബ്ബ് ഉൽഘാടനം ചെയ്തു.ഡിവിഷൻ മുസ്‌ലിം ലീഗ് പ്രസിഡണ്ട് മുഹമ്മദലി ചുള്ളിപ്പാറ അദ്ധ്യക്ഷ്യം വഹിച്ചു.തിരൂരങ്ങാടി മുനിസിപ്പൽ ചെയർമാൻ കെ.പി.മുഹമ്മദ് കുട്ടി,വൈസ് ചെയർപേഴ്സൺ സി.പി.സുഹറാബി,യു.എ.റസാഖ്,കൗൺസിലർമാരായ പി.കെ.മെഹ്ബൂബ്,സഹീർ വീരാശ്ശേരി എന്നിവർ പ്രസംഗിച്ചു.എ.പി.മുജീബ് സ്വാഗതവും എം.കെ. അബ്ദുറസ്സാഖ് നന്ദിയും പറഞ്ഞു.
തുമ്പിൽ അലവി ഹാജി, തലാപ്പിൽ മുഹമ്മദ് കുട്ടി, യൂസുഫ് കോറോണത്ത്, ടി.കെ.വഹാബ്, ഫൈസൽ ചെമ്മല, സിദ്ധീഖ്. എ.പി.പി.സി.നാസർ, കെ.ഹംസകുട്ടി ഹാജി നേത്രത്വം നൽകി.