തിരൂരങ്ങാടി: വെന്നിയൂർ ജിഎം യുപി സ്കൂളിൽ 3.9 കോടിയുടെ 18 ക്ലാസ് റൂമുകൾ ഉള്ള കെട്ടിടത്തിന്റെ നിർമ്മാണ പ്രവർത്തി ഉദ്ഘാടനം മുഖ്യമന്ത്രി പിണറായി വിജയൻ വിദ്യാഭ്യാസ മന്ത്രി വി ശിവൻകുട്ടിയുടെ അധ്യക്ഷതയിൽ ഓൺലൈനിൽ നിർവഹിച്ചു. പൊതു വിദ്യാഭ്യാസ യജ്ഞത്തിന്റെ ഭാഗമായി 2017 -2018 ൽ കിഫ്‌ബി ഫണ്ടിൽ അനുവദിച്ച തുക കൊണ്ടാണ് പ്രവർത്തി നടക്കുക.
സ്കൂളിൽ നടന്ന ചടങ്ങ് പിടിഎ പ്രസിഡന്റ് അസീസ് കാരാട്ടിൻ്റെ അധ്യക്ഷതയിൽ തിരൂരങ്ങാടി നഗരസഭ ചെയർമാൻ കെ പി മുഹമ്മദ് കുട്ടി ഉദ്ഘാടനം ചെയ്തു, ഹെഡ്മാസ്റ്റർ ഐ. സലീം സ്വാഗതം പറഞ്ഞു. എ ഇ ഒ സക്കീന എം കെ വിഷയം അവതരിപ്പിച്ചു. ഡെപ്യൂട്ടി ചെയർപേഴ്സൺ കാലൊടി സുലൈഖ, വിദ്യാഭ്യാസ സ്റ്റാൻഡിങ് കമ്മറ്റി ചെയർമാൻ ഇ. പി. എസ് ബാവ, വികസന സ്റ്റാൻഡിങ് കമ്മിറ്റി ചെയർമാൻ ഇക്ബാൽ കല്ലുങ്ങൽ, പൊതുമരാമത്ത് സ്റ്റാൻ്റിംഗ് കമ്മിറ്റി ചെയർപേഴ്സൺ സി പി സുഹറാബി, ഡിവിഷൻ കൗൺസിലർ സി പി സുലൈഖ, എസ് എം സി ചെയർമാൻ പി അബ്ദുൽ മജീദ് എന്നിവർ ആശംസകൾ അർപ്പിക്കുകയും ചെയ്തു.