താനൂർ : അനധികൃത മൂന്നക്ക നമ്പർ ലോട്ടറി ചൂതാട്ടം
നടത്തിയ കേസിൽ രണ്ടു പേരെ പൊലീസ്
പിടികൂടി. കാളാട് നിന്നാണ് കെ.പുരം കരിമ്ബനക്കൽ ഉമ്മർ
ശരീഫ് (33), വള്ളിക്കുന്ന് അരിയല്ലൂർ കൊടക്കാട് പുനത്തിൽ
ആദർശ് സുന്ദർ (29) എന്നിവരെയാണ് മൂന്നക്ക നമ്പർ ലോട്ടറി ചൂതാട്ടം നടത്തുന്നതിനിടെ പൊലീസ് പിടികൂടി അറസ്റ്റ് ചെയ്തത്. രണ്ടു മൊബൈൽ ഫോണുകളും 9600 രൂപയും പ്രതികളിൽ നിന്ന് കണ്ടെടുത്തു. താനൂർ ഡിവൈ.എസ്.പി പി. പ്രമോദിൻ്റെ നിർദേശ പ്രകാരം താനൂർ ഇൻ സ്പെക്ടർ കെ.ടി.
ബിജിത്ത്, സബ് ഇൻസ്പെക്ടർ സുകീഷ്കുമാർ, സി.പി.ഒമാരായ വിനീത്, ബി ജേഷ്
എന്നിവരടങ്ങിയ പൊലീസ് സംഘമാണ് ലോട്ടറ ചൂതാട്ടം നടത്തിയവരെ പിടികൂടിയത്. പൊലീസിന് ലഭിച്ച രഹസ്യ വിവരത്തെ തുടർന്നാണ് അറസ്റ്റ് ചെയ്തത്. പ്രതികൾക്കെതിരെ നേരത്തെയും ലോട്ടറി ചൂതാട്ട കേസുകൾ വിവിധ പൊലീസ്സ്റ്റേ ഷനുകളിൽ ഇതിനു മുമ്പും രജിസ്റ്റർ ചെയ്തിട്ടുണ്ടെന്ന് പൊലീസ് പറഞ്ഞു.
പ്രതികളെ നാളെ കോടതിയിൽ ഹാജരാക്കി.