കൊടിഞ്ഞി : ചെറുപ്പാറ ന്യൂ ബ്രൈറ്റ് ആർട്സ് സ്പോർട്സ് & കാൾച്ചർ ക്ലബ്ബ്‌ കൊടിഞ്ഞിയുടെ നേതൃത്വത്തിൽ രാജ്യത്തിന്റെ 75 ആം സ്വാതന്ത്ര ദിനം വിപുലമായ ആഘോഷിച്ചു. കൊടിഞ്ഞി ചെറുപ്പാറയിലെ ക്ലബ്ബ്‌ ഓഫിസ് പരിസരത്തു കാലത്ത് 8:30ന് നടന്ന ചടങ്ങിൽ പൗര പ്രമുഖർ ആയ സി അബൂബക്കർ ഹാജിയും നേച്ചിക്കാട് കുഞ്ഞികോമു ഹാജിയും ചേർന്ന് പതാക ഉയർത്തി. പരിപാടിയിൽ സ്വാതന്ത്രത്തിന്റെ 75 ആം വാർഷികത്തിന്റെ ഭാഗമായി ഒന്ന് മൂന്ന് വാർഡുകളിലെ 75 വയസ്സ് പൂർത്തിയായ പൗരന്മാരെ ആദരിക്കൽ ചടങ്ങ് നടന്നു. കടുവല്ലൂർ എ എം എൽ പി സ്കൂളിലെ വാദ്യാർത്ഥികൾക്കുള്ള ലഡു വിതരണവും നടന്നു.
തുടർന്ന് ക്ലബ് പ്രസിഡന്റ് സൽമാൻ ഇല്ലിക്കൽ അധ്യക്ഷത വഹിച്ച പരിപാടിയിൽ ക്ലബ് മേനേജർ അലി അക്ബർ ഇ ടി സ്വാഗതവും ക്ലബ്ബ്‌ മെമ്പർ യഹിയ ഇ കെ സ്വതന്ത്ര ദിന സന്ദേശവും ചെറുപ്പാറ മഹല്ല് ഖതീബ് സലീം അൻവരി ഉസ്താദ് ആശംസയും പറഞ്ഞു. ചടങ്ങിൽ ഹാരിസ് കെ പി മജീദ് പനക്കൽ വാർഡ് മെമ്പർമാരായ ഊർപ്പായി സൈദലവി നടുതൊടി മുസ്തഫ തുടങ്ങിയവർ സംസാരിച്ചു. ജലീൽ ഇ കെ നന്ദിയും പറഞ്ഞു.