കാലിക്കറ്റ് യൂണിവേഴ്‌സിറ്റി അറിയിപ്പുകള്‍

അന്താരാഷ്ട്ര അറബിക് സമ്മേളനം

കാലിക്കറ്റ് സർവകലാശാലാ അറബിക്ക് പഠനവകുപ്പ് ഡെന്‍മാര്‍ക് ആസ്ഥാനമായി പ്രവര്‍ത്തിക്കുന്ന ഹംസ സമാഅ് ഇന്റര്‍നാഷണല്‍ കള്‍ച്ചറല്‍ സെന്ററുമായി സഹകരിച്ച് സംഘടിപ്പിക്കുന്ന അന്താരാഷ്ട്ര അറബിക് സമ്മേളനം നവംബര്‍ 25-ന് തുടങ്ങും. ‘അറബി വികസനത്തിന്റെയും ഭാവിയുടെയും ഭാഷ; യാഥാര്‍ത്ഥ്യവും പ്രതീക്ഷകളും’ എന്ന പ്രമേയത്തില്‍ നടക്കുന്ന സമ്മേളനം അറബി ഭാഷാ സ്‌നേഹികള്‍ക്ക് ഏറെ പ്രയോജനപ്പെടും. നവംബര്‍ 29 നാണ് സമാപനം. കൂടുതൽ വിവരങ്ങൾക്ക് 9847766494, 9497343532.

പി.ആർ. 1678/2024

സോഷ്യൽ സർവീസ് പ്രോഗ്രാം / മെഡിക്കൽ ബോർഡ് സർട്ടിഫിക്കറ്റ് : ഡിസംബർ 16 വരെ അപ്‌ലോഡ് ചെയ്യാം

കാലിക്കറ്റ് സർവകലാശാലാ സെന്റർ ഫോർ ഡിസ്റ്റൻസ് ആൻ്റ് ഓൺലൈൻ എഡ്യൂക്കേഷനു കീഴിൽ 2022 – ൽ പ്രവേശനം നേടിയ ബി.എ., ബി.കോം., ബി.ബി.എ. വിദ്യാർഥികൾ കോഴ്സ് പൂർത്തിയാക്കുന്നതിന്റെ ഭാഗമായി സമർപ്പിക്കേണ്ട കാലിക്കറ്റ് സർവകലാശാലാ സോഷ്യൽ സർവീസ് പ്രോഗ്രാം (CUSSP) സർട്ടിഫിക്കറ്റ് / മെഡിക്കൽ ബോർഡ് സർട്ടിഫിക്കറ്റ് എന്നിവ സ്റ്റുഡന്റസ് പോർട്ടലിൽ അപ്‌ലോഡ് ചെയ്യേണ്ട അവസാന തീയതി ഡിസംബർ 16 വരെ നീട്ടി. ഫോൺ : 0494 2407356, 0494 2400288.

പി.ആർ. 1679/2024

എൻ.എസ്.എസ്. ഗ്രേസ് മാർക്ക്

അഫിലിയേറ്റഡ് കോളേജുകളിലെ ( CBCSS – UG – 2022 പ്രവേശനം ) എൻ.എസ്.എസ്. വോളന്റിയർമാരിൽ ഗ്രേസ് മാർക്കിന് അർഹരായവർക്ക് സ്റ്റുഡന്റസ് പോർട്ടലിലെ ഗ്രേസ് മാർക്ക് മാനേജ്‌മന്റ് സിസ്റ്റം വഴി ഓൺലൈനായി ഗ്രേസ്‌മാർക്കിന് അപേക്ഷിക്കാനുള്ള സൗകര്യം നവംബർ 25 മുതൽ ലഭ്യമാകും. അവസാന തീയതി ഡിസംബർ ആറ്.

പി.ആർ. 1680/2024

പരീക്ഷാ അപേക്ഷ

പി.ജി. ഡിപ്ലോമ ഇൻ ട്രാൻസിലേഷൻ ആന്റ് സെക്രട്ടേറിയൽ പ്രാക്ടീസ് ഇൻ അറബിക് (ഫുൾ ടൈം റഗുലർ), പി.ജി. ഡിപ്ലോമ ഇൻ കോമേഴ്സ് ആന്റ് മാനേജ്‌മന്റ് ഇൻ അറബിക് (പാർട്ട് ടൈം), സർട്ടിഫിക്കറ്റ് കോഴ്സ് ഇൻ സ്പോക്കൺ അറബിക് – മാർച്ച് 2024 (2023 പ്രവേശനം) പരീക്ഷകൾക്ക് പിഴ കൂടാതെ ഡിസംബർ രണ്ട് വരെയും 190/- രൂപ പിഴയോടെ നാല് വരെയും ഓൺലൈനായി അപേക്ഷിക്കാം.

പി.ആർ. 1681/2024

പരീക്ഷാഫലം

2003 – 2004 അധ്യയന വർഷം മുതൽ പ്രവേശനം നേടിയ ബി.കോം. വിദ്യാർഥികളുടെ (ആൽഫാ ന്യൂമെറിക്കൽ രജിസ്റ്റർ നമ്പർ മാത്രം) പാർട്ട് III സെപ്റ്റംബർ 2022 ഒറ്റത്തവണ റഗുലർ സപ്ലിമെന്ററി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 30 വരെ അപേക്ഷിക്കാം.

പി.ആർ. 1682/2024

സൂക്ഷ്മപരിശോധനാഫലം

രണ്ടാം സെമസ്റ്റർ എം.എഡ്. ജൂലൈ 2024 പരീക്ഷയുടെ സൂക്ഷ്മപരിശോധനാ ഫലം പ്രസിദ്ധീകരിച്ചു.

പി.ആർ. 1683/2024

പുനർമൂല്യനിർണയഫലം

രണ്ടാം സെമസ്റ്റർ എം.എസ് സി. ഫുഡ് സയൻസ് ആന്റ് ടെക്‌നോളജി, എം.എ. മലയാളം, എം.എ. മലയാളം വിത് ജേണലിസം ഏപ്രിൽ 2024 പരീക്ഷകളുടെ പുനർമൂല്യനിർണയ ഫലം പ്രസിദ്ധീകരിച്ചു.

വിദൂര വിഭാഗം രണ്ടാം സെമസ്റ്റർ എം.എ. പൊളിറ്റിക്കൽ സയൻസ് ഏപ്രിൽ 2023, ഏപ്രിൽ 2024 പരീക്ഷകളുടെ പുനർമൂല്യനിർണയ ഫലം പ്രസിദ്ധീകരിച്ചു.

പി.ആർ. 1684/2024