മലപ്പുറം ഡിഡിഇ ഓഫീസ് അടയ്ക്കുന്നതിനിടെ ജീവനക്കാരന് പാമ്പുകടിയേറ്റു
മലപ്പുറം: ജില്ലാ വിദ്യാഭ്യാസ ഓഫീസിനുള്ളില് ജീവനക്കാരന് പാമ്പുകടിയേറ്റു. ഓഫീസ് അടയ്ക്കുന്നതിനിടെ ഓഫീസ് അറ്റന്ററായ മുഹമ്മദ് ജൗഹറിനാണ് കടിയേറ്റത്. ബുധനാഴ്ച വൈകീട്ട് അഞ്ചരയോടെയാണ് സംഭവം. ഓരോരോ സെക്ഷനായി അടയ്ക്കുകയായിരുന്നു ഇദ്ദേഹം. അതിനിടയിലാണ് ഒരു സെക്ഷനിലെ റാക്കില്നിന്ന് പാമ്പുകടിച്ചത്. ഉടനെ ജൗഹറിനെ മഞ്ചേരി മെഡിക്കല് കോളേജ് ആശുപത്രിയിലെത്തിച്ചു. പാമ്പുപിടിത്തക്കാരനെ എത്തിച്ച് പാമ്പിനെ പിടികൂടുകയുംചെയ്തു.
കടിച്ചത് വിഷമില്ലാത്ത ഇനമായ മോണ്ടെന് ട്രിന്കറ്റ് വിഭാഗത്തില്പ്പെട്ട പാമ്പാണ് മുഹമ്മദിനെ കടിച്ചതെന്ന് വിദഗ്ധര് പറഞ്ഞു. ഗവ ബോയ്സ് ഹയര്സെക്കന്ഡറി സ്കൂളിന് പിന്ഭാഗത്തുള്ള ശിക്ഷക് സദന് കെട്ടിടത്തിലാണ് താത്കാലികമായി ഡിഡിഇ ഓഫീസ് പ്രവര്ത്തിക്കുന്നത്. സ്വന്തം കെട്ടിടം പൊളിച്ചതിനാല് താത്കാലികമായി ഇങ്ങോട്ട് മാറുകയായിരുന്നു. ഈ കെട്ടിടത്തിനടുത്താണ് ടെക്സ്റ്റ് ബുക്ക് ഡിപ്പോയുടെ തകര്ന്ന...
