അമീബിക് മസ്തിഷ്ക ജ്വരം ബാധിച്ച് ചികിത്സയിലായിരുന്ന മലപ്പുറം സ്വദേശിനി മരിച്ചു ; ഒരു മാസത്തിനിടെ മരിച്ചത് അഞ്ച് പേര്
കോഴിക്കോട്: അമീബിക് മസ്തിഷ്ക ജ്വരം ബാധിച്ച് കോഴിക്കോട് മെഡിക്കല് കോളേജില് ചികിത്സയിലായിരുന്ന മലപ്പുറം സ്വദേശിനിയായ 56കാരി മരിച്ചു. വണ്ടൂര് സ്വദേശിനി ശോഭനയാണ് മരിച്ചത്. രണ്ട് കുട്ടികള് ഉള്പ്പെടെ 12 പേരായിരുന്നു ചികിത്സയില് ഉണ്ടായിരുന്നത്. ഒരു മാസത്തിനിടെ അഞ്ച് പേരാണ് അമീബിക് മസ്തിഷ്കജ്വരം ബാധിച്ച് മരിച്ചത്.
കഴിഞ്ഞ വ്യാഴാഴ്ചയാണ് ഗുരുതരാവസ്ഥയില് ശോഭനയെ മെഡിക്കല് കോളജ് ആശുപത്രിയില് എത്തിച്ചത്. അന്നു മുതല് അബോധാവസ്ഥയിലായിരുന്നു. രോഗലക്ഷണങ്ങള് പ്രകാരം മൈക്രോബയോളജി ലാബില് നടത്തിയ പരിശോധനയിലാണ് രോഗം സ്ഥിരീകരിച്ചത്.
വിദേശത്ത് നിന്നുള്പ്പെടെ മരുന്നെത്തിച്ച് രോഗികള്ക്ക് നല്കുന്നുണ്ടെന്ന് മെഡിക്കല് കോളേജ് അധികൃതര് അറിയിച്ചിട്ടുണ്ട്. ഗുരുതരാവസ്ഥയില് കഴിയുന്നവര്ക്ക് മറ്റ് അസുഖങ്ങളും ഉള്ളതിനാല് ആരോഗ്യനിലയില് ആശങ്കയുണ്ടെന്ന് ഡോക്ടര്മാര് പറഞ്ഞിരുന്നു. കോഴിക്കോട് മെഡിക്കല് ക...
