സമ്പൂർണ്ണ സ്കൂൾ ശുചിത്വത്തിന് “അഴകോടെ സ്കൂൾ ‘പദ്ധതിക്ക് തുടക്കമായി
കൊണ്ടോട്ടി : വിദ്യാർത്ഥികളിൽ ശുചിത്വ ബോധവും ശീലവും വളർത്തിയെടുക്കാൻ ലക്ഷ്യമിട്ട് വിജയഭേരി- വിജയ സ്പർശം' പദ്ധതിയുടെ നേതൃത്വത്തിൽ ഇ. എം. ഇ. എ ഹയർ സെക്കൻഡറി സ്കൂളിൽ തുടക്കം കുറിച്ച അഴകോടെ സ്കൂൾ ബോധവത്കരണ ക്ലാസ് ശുചിത്വ മിഷന് സ്കൂള് കോർഡിനേറ്റർ കുഞ്ഞിമുഹമ്മദ് എരണിക്കൽ ഉദ്ഘാടനം ചെയ്തു. വിദ്യാലയങ്ങളിൽ ആരോഗ്യകരമായ പഠനാന്തരീക്ഷം നിലനിർത്തുന്നതിൽ ശുചിത്വത്തിന് പ്രധാന പങ്കുണ്ടെന്ന് ഉദ്ഘാടനം ചെയ്തു കൊണ്ട് അദ്ദേഹം പറഞ്ഞു.
ശുചിത്വ മിഷന് സ്കൂള് കമ്മിറ്റി അംഗം ഖാലിദ്. വി ബോധവൽകരണ ക്ലാസ് നടത്തി. സ്കൂളുകളെ ഹരിതവും മാലിന്യമുക്തവുമാക്കുന്നതിന്റെ ഭാഗമായി മാലിന്യസംസ്കരണം ശാസ്ത്രീയമായി നടത്തുന്നതിനെക്കുറിച്ച് കുട്ടികളിൽ ബോധവത്കരണം, മാലിന്യസംസ്കരണത്തിന് സ്കൂൾതല പദ്ധതി, ക്ലാസ്തല പദ്ധതി, വ്യക്തിഗതപദ്ധതി എന്നിവ രൂപവത്കരിച്ചു. സമീപ പ്രദേശങ്ങളിലെ മാലിന്യ നിർമാർജനത്തെ സംബന്ധിച്ച പ്രശ്നങ്ങൾ ചർച്ചചെയ്ത് തദ...
