ചെന്നൈയിലെ എഞ്ചിൻ അസംബ്ലി പ്ലാന്റിൽ നിന്ന് ഒരു ഒരു ലക്ഷം എഞ്ചിനുകൾ നിർമ്മിച്ചതായി ഫോഴ്സ് മോട്ടോഴ്‌സ് ; ആഘോഷമാക്കി ബിഎംഡബ്‌ള്യുവും ഫോഴ്‌സ് മോട്ടോഴ്‌സും

ചെന്നൈ : ബിഎംഡബ്ള്യു ഗ്രൂപ്പ് ഇന്ത്യയുമായി സഹകരിച്ച്, ചെന്നൈയിലെ എഞ്ചിൻ അസംബ്ലി പ്ലാന്റിൽ നിന്ന് ഒരു ലക്ഷം എഞ്ചിനുകൾ ഉത്പാദിപ്പിക്കുക എന്ന പുതിയ നാഴികക്കല്ല് പിന്നിട്ടതായി ഫോഴ്‌സ് മോട്ടോഴ്‌സ് പ്രഖ്യാപിച്ചു. പ്ലാന്റിൽ നിന്ന് പുറത്തിറക്കിയ 1,00,000-മത്തെ യൂണിറ്റ് എഞ്ചിൻ ഒരു ബിഎംഡബ്ള്യു x5-ൽ ഉപയോഗിക്കും. ഒരു ദശാബ്ദകാലത്തെ പങ്കാളിത്തത്തിനിടയിലാണ് ഇരു കമ്പനികളും ഇങ്ങനൊരു നേട്ടം സ്വന്തമാക്കിയത്.

ഫോഴ്‌സ് മോട്ടോഴ്‌സ് ലിമിറ്റഡിന്റേയും ബിഎംഡബ്ള്യു ഗ്രൂപ്പിന്റെയും പ്രതിനിധികളായ ബിഎംഡബ്ള്യു-പ്രൊഡക്ഷൻ നെറ്റ്‌വർക്ക് 2, ബിഎംഡബ്ള്യു എജി, ബിഎംഡബ്ള്യു ഗ്രൂപ്പ് പ്ലാന്റ് ചെന്നൈ മാനേജിംഗ് ഡയറക്ടർ തോമസ് ഡോസ്, ഫോഴ്സ് മോട്ടോഴ്‌സ് ലിമിറ്റഡ് മാനേജിംഗ് ഡയറക്ടർ പ്രസൻ ഫിറോഡിയ എന്നിവരുടെ സാന്നിധ്യത്തിലാണ് ലാൻഡ്മാർക് യൂണിറ്റിന്റെ പുറത്തിറക്കാൻ ചടങ്ങ് നടന്നത്.

2015ൽ ആണ് ചെന്നൈ പ്ലാന്റ് സ്ഥാപിതമാകുന്നത്. ഇന്ത്യയിൽ നിർമ്മിക്കുന്ന ബിഎംഡബ്ള്യു വാഹനങ്ങളുടെ മുഴുവൻ ശ്രേണിക്കുമുള്ള എഞ്ചിനുകളുടെ നിർമ്മാണത്തിലാണ് ശ്രദ്ധ കേന്ദ്രീകരിക്കുന്നത്. വിപുലമായ ഓട്ടോമേറ്റഡ് പ്രൊഡക്ഷൻ ലൈനുകളും ഡിജിറ്റൽ സംയോജിത പ്രക്രിയകളും ഇതിൽ ഉൾപ്പെടുന്നു.

ബിഎംഡബ്ള്യു ഗ്രൂപ്പിന്റെ അന്താരാഷ്ട്ര നിർമ്മാണ മാനദണ്ഡങ്ങൾ പാലിക്കുന്ന ഈ പ്ലാന്റ് കമ്പനിയുടെ ഇന്ത്യയിലെ പ്രവർത്തനങ്ങളിൽ ഒരു പ്രധാന പങ്ക് വഹിക്കുന്നു. കാലക്രമേണ, ആഗോള മാനദണ്ഡങ്ങളെ പ്രാദേശിക കഴിവുകളുമായി സംയോജിപ്പിക്കാൻ ഇത് പ്രാപ്തമാക്കുന്ന ബിഎംഡബ്ള്യു ഗ്രൂപ്പിന്റെ പ്രാദേശിക വൽക്കരണ തന്ത്രത്തിന്റെ ഒരു പ്രധാന ഘടകമായി മാറി.

ഒരു ദശാബ്‌ദ കാലത്തെ മികച്ച പങ്കാളിത്തത്തിന്റെയും സമർപ്പണത്തിന്റെയും ഫലമായ ഫോഴ്സ് മോട്ടോഴ്‌സ് ചെന്നൈ പ്ലാന്റിൽ 100,000-മത് ബിഎംഡബ്ള്യു എഞ്ചിൻ പുറത്തിറക്കിയതിൽ അതിയായ സന്തോഷമുണ്ട് എന്നും ബിഎംഡബ്ള്യു എജിയുടെ ബിഎംഡബ്ള്യു പ്രൊഡക്ഷൻ നെറ്റ്‌വർക്ക് 2 വൈസ് പ്രസിഡന്റ് മാർക്കസ് വോളൻസ് പറഞ്ഞു. മികച്ച എൻജിനിയറിങ്, നൂതന സാങ്കേതികവിദ്യ, ഉയർന്ന പ്രകടനം എന്നിവക്കാണ് എഞ്ചിനുകൾ നിലകൊള്ളുന്നത്. ഇന്ത്യയിൽ ലോകോത്തര ഉൽപ്പന്നങ്ങൾ എത്തിക്കാനുള്ള ബിഎംഡബ്ള്യു ഗ്രൂപ്പിന്റെ പ്രതിബദ്ധതയെ ഈ പങ്കാളിത്തം ശക്തിപ്പെടുത്തുന്നുവെന്നും അദ്ദേഹം വ്യക്തമാക്കി.

100,000-മത് എഞ്ചിന്റെ ഈ സുപ്രധാന പതിപ്പ് ആഘോഷിക്കാൻ കഴിയുന്നത് അതിയായ സന്തോഷം നൽകുന്നുവെന്ന് ഫോഴ്സ് മോട്ടോഴ്‌സ് ലിമിറ്റഡിന്റെ മാനേജിംഗ് ഡയറക്ടർ പ്രസൻ ഫിറോടിയ പറഞ്ഞു. ഇന്ത്യയിലെ ബിഎംഡബ്ള്യു ഗ്രൂപ്പിന്റെ വിശ്വസ്തനും തന്ത്രപരവുമായ പങ്കാളിയാവാൻ കഴിഞ്ഞത് ബഹുമതിയാണെന്നും ഈ നാഴികക്കല്ല് ഈ സഹകരണം പ്രതിധ്വനിക്കുന്ന പ്രതിപദ്ധത, കൃത്യത, ഗുണനിലവാരം എന്നിവയ്ക്ക് സാക്ഷ്യം വഹിക്കുന്നുവെന്നും അദ്ദേഹം കൂട്ടിച്ചേർത്തു.