ചെമ്മാട് : ചെമ്മാട് മഹല്ല് കമ്മിറ്റിക്ക് കീഴിലുള്ള ഖിദ്മത്തുല്‍ ഇസ്ലാം കേന്ദ്ര ബ്രാഞ്ച് മദ്രസകള്‍ സംയുക്തമായി മുഅല്ലിം ദിനം കേന്ദ്ര മദ്രസയില്‍ വിപുലമായി ആചരിച്ചു. ചെമ്മാട് മഹല്ല് പ്രസിഡണ്ട് ഡോ. കെ. ബഹാഉദ്ധീന്‍ മുഹമ്മദ് നദ് വി പരിപാടി ഉദ്ഘാടനം ചെയ്തു. വൈസ് പ്രസിഡണ്ട് യു. മുഹമ്മദ് ഷാഫി ഹാജി അധ്യക്ഷത വഹിച്ചു. മഹല്ല് ഖത്തീബ് പി. മുഹമ്മദ് ഇസ്ഹാഖ് ബാഖവി മുഖ്യപ്രഭാഷണം നടത്തി.
കുട്ട സിയാറത്തിനു ശേഷം തുടങ്ങിയ പരിപാടിയില്‍ ഇരുപത് വര്‍ഷത്തിലധികമായി മഹല്ലില്‍ സേവനം ചെയ്തു വരുന്ന കെ. കെ മരക്കാര്‍ മൗലവി, സി. ഹംസ മൗലവി, സി. അബ്ദുസലാം ദാരിമി, എം. വി മന്‍സൂര്‍ മൗലവി എന്നിവരെ ആദരിച്ചു. മഹല്ലില്‍ ജോലി ചെയ്യുന്ന മുഅല്ലിമീങ്ങള്‍ക്ക് എസ്.കെ.എസ്.ബി.വി കേന്ദ്ര കമ്മറ്റി സ്‌നേഹോപഹാരം നല്‍കി.
മഹല്ല് സെക്രട്ടറി യു. ഇബ്രാഹിം ഹാജി സ്വാഗതം പറഞ്ഞു. ശബിന്‍ ബദ്ര്‍ വാഫി, മുഹമ്മദ് യൂനുസ് വാഫി, സി. അബ്ദുസ്സലാം ദാരിമി, എം. വി മന്‍സൂര്‍ മൗലവി, സി. എം മുഹമ്മദ് ഹാജി, കെ. ടി അബൂബക്കര്‍ എന്നിവര്‍ സംസാരിച്ചു.