മലപ്പുറം: മുസ്ലിം ലീഗ് സംസ്ഥാന പ്രസിഡന്റായി സാദിഖ് അലി തങ്ങളും ജനറല്‍ സെക്രട്ടറിയായി പിഎംഎ സലാമും ട്രഷററായി സി ടി അഹമ്മദ് അലിയും തുടരും. കോഴിക്കോട് ചേര്‍ന്ന സംസ്ഥാന കൗണ്‍സിലിലാണ് ഇത് സംബന്ധിച്ച തീരുമാനമായത്.
എം കെ മുനീര്‍ മുസ്ലിം ലീഗ് ജനറല്‍ സെക്രട്ടറിയാകട്ടെ എന്ന അഭിപ്രായം ചില മുതിര്‍ന്ന നേതാക്കള്‍ മുന്നോട്ട് വെച്ചെങ്കിലും പിഎംഎ സലാം തന്നെ തുടരട്ടെ എന്നായിരുന്നു പികെ കുഞ്ഞാലിക്കുട്ടി ഉള്‍പ്പെടെ ഒരു വിഭാഗത്തിന്റെ നിലപാട്. ഇതോടെ പാര്‍ട്ടിയുടെ മുഴുവന്‍ ജില്ലാ കമ്മറ്റി ഭാരവാഹികളെയും ലീഗ് സംസ്ഥാന അധ്യക്ഷന്‍ പാണക്കാട് സാദിഖലി ശിഹാബ് തങ്ങള്‍ മലപ്പുറത്തേക്ക് വിളിപ്പിച്ചിരുന്നു. ഒരോ ജില്ലാ കമ്മിറ്റി അധ്യക്ഷന്‍മാരെയും പ്രത്യേകം വിളിപ്പിച്ച് അഭിപ്രായം ആരായുകയുമുണ്ടായി. ഇതിന്റെ അടിസ്‌ഥാനത്തിൽ ആണ് ഇന്ന് കമ്മിറ്റിയെ പ്രഖ്യാപിച്ചത്. 10 വൈസ് പ്രെസിഡന്റുമാരെയും 11 സെക്രട്ടറി മാരെയും തിരഞ്ഞെടുത്തിട്ടുണ്ട്. കൂടാതെ 31 അംഗ സെക്രട്ടറിയേറ്റും പ്രഖ്യാപിച്ചിട്ടുണ്ട്. ഡോ എം കെ മുനീർ ഭാരവാഹി പട്ടികയിൽ ഇല്ല. പകരം സെക്രട്ടറി യേറ്റിൽ ഉണ്ട്. സംസ്ഥാന സെക്രട്ടറി യായി ദളിത് ലീഗ് നേതാവ് യു സി രാമനും സ്ഥാനം പിടിച്ചിട്ടുണ്ട്. മുൻ ഡി വൈ എഫ് ഐ നേതാവ് കൂടിയായിരുന്ന പ്രാസംഗികൻ ആലപ്പുഴയിലെ സി.ശ്യാം സുന്ദറിനെ സെക്രട്ടറി യേറ്റിൽ ഉൾപ്പെടുത്തി എന്നതും പ്രത്യേകതയാണ്. അതേ സമയം വനിത പ്രതിനിധികൾ ആരും ഇല്ല. അതേ സമയം വനിത ലീഗിൽ നിന്ന് 3 പേരെയും എസ് ടി യു , എം എസ് എഫ് പ്രതിനിധികളെ സ്ഥിരം ക്ഷണിതാക്കൾ ആക്കിയിട്ടുണ്ട്.
മുസ് ലിംലീഗ് സംസ്ഥാന കമ്മിറ്റി ഭാരവാഹികൾ
പ്രസിഡണ്ട് : സയ്യിദ്‌ സാദിഖലി ശിഹാബ് തങ്ങൾ
വൈസ് പ്രസിഡണ്ടുമാർ : വി.കെ ഇബ്രാഹിംകുഞ്ഞ്
: എം.സി മായിൻ ഹാജി
: അബ്ദുറഹിമാൻ കല്ലായി
: സി.എ.എം.എ.കരീം
: സി.എച്ച്‌. റഷീദ്
: ടി.എം. സലീം
: സി.പി. ബാവഹാജി
: ഉമ്മർ പാണ്ടികശാല
: പൊട്ടൻകണ്ടി അബ്ദുള്ള
: സി.പി. സൈതലവി
ജനറൽസെക്രട്ടറി : അഡ്വ.പി.എം.എസലാം
സെക്രട്ടറിമാർ : പ്രൊഫ. ആബിദ് ഹുസൈൻ തങ്ങൾ
: അബ്ദുറഹിമാൻ രണ്ടത്താണി
: അഡ്വ.എൻ. ഷംസുദ്ധീൻ
: കെ.എം.ഷാജി
: സി.പി. ചെറിയ മുഹമ്മദ്
: സി.മമ്മുട്ടി
: പി.എം.സാദിഖലി
: പാറക്കൽ അബ്ദുള്ള
: യു.സി. രാമൻ
: അഡ്വ.മുഹമ്മദ് ഷാ
: ഷാഫി ചാലിയം
ട്രഷറർ : സി.ടി അഹമ്മദലി
സെക്രട്ടറിയേറ്റ്
- സയ്യിദ്‌സാദിഖലി ശിഹാബ് തങ്ങൾ
- പി.കെകുഞ്ഞാലിക്കുട്ടി
- ഇ.ടി മുഹമ്മദ് ബഷീർ
- പി.വി അബ്ദുൽവഹാബ്
- അബ്ദുസമദ്‌സമദാനി
- കെ.പി.എമജീദ്
- വി.കെ ഇബ്രാഹിംകുഞ്ഞ്
- എം.കെമുനീർ
- മുനവ്വറലി ശിഹാബ് തങ്ങൾ
- പി.കെ.കെ ബാവ
- കുട്ടി അഹമ്മദ്കുട്ടി
- പി.കെഅബ്ദുറബ്ബ്
- ടി.എ അഹമ്മദ് കബീർ
- കെ.ഇ അബ്ദുറഹിമാൻ
- എൻ.എ നെല്ലിക്കുന്ന്
- പി.കെ ബഷീർ
- മഞ്ഞലാംകുഴിഅലി
- പി. ഉബൈദുള്ള
- അഡ്വ.എം.ഉമ്മർ
- സി.ശ്യാംസുന്ദർ
- പി.എം.എസലാം
- ആബിദ് ഹുസൈൻ തങ്ങൾ
- എം.സി മായിൻ ഹാജി
- അബ്ദുറഹിമാൻ കല്ലായി
- അബ്ദുറഹിമാൻ രണ്ടത്താണി
- എൻ.ഷംസുദ്ധീൻ
- കെ.എം.ഷാജി
- സി.എച്ച്‌റഷീദ്
- ടി.എംസലീം
- സി.പി ചെറിയ മുഹമ്മദ്
- എം.സി വടകര
സ്ഥിരം ക്ഷണിതാക്കൾ
- അഹമ്മദ്കുട്ടി ഉണ്ണിക്കുളം
- അഡ്വ.റഹ്‌മത്തുളള
- സുഹറ മമ്പാട്
- അഡ്വ.കുൽസു
- അഡ്വ നൂർബീന റഷീദ്
- പികെ ഫിറോസ്
- പികെ നവാസ്