മലപ്പുറം: കോ ഓപ്പറേറ്റീവ് എംപ്ലോയിസ് ഓര്‍ഗനൈസേഷന്‍ (സി.ഇ.ഒ) ജില്ലയിലെ സഹകരണ ജിവനക്കാര്‍ക്ക് വേണ്ടി സംഘടിപ്പിക്കുന്ന കലാമത്സരങ്ങളുടെ ലോഗോ പ്രകാശനം മുസ് ലിം ലീഗ് ജില്ലാ ജന. സെക്രട്ടറി പി.അബ്ദുല്‍ ഹമീദ് എം.എല്‍.എ നിര്‍വഹിച്ചു.
വിവിധ ഘട്ടങ്ങളിലായാണ് സർഗം എന്ന പേരിൽ മത്സരങ്ങൾ നടത്തുന്നത്. ആദ്യ ഘട്ടത്തിൽ രചനാ മത്സരങ്ങൾ നടക്കും. ഒക്ടോബര്‍ 15നകം ജില്ലയിലെ ഏഴ് താലൂക്ക് തലങ്ങളിലും മത്സരങ്ങൾ നടക്കും. ഇതിലെ വിജയികൾ ജില്ലാ തല മത്സര പരിപാടിയിൽ പങ്കെടുക്കും. ഒക്ടോബര്‍ 31 നാണ് ജില്ല തല മത്സര പരിപാടികള്‍. വിജയികൾക്ക് സമ്മാനങ്ങൾ നൽകും. കവിത രചന,കഥ രചന,ചിത്ര രചന, പ്രബന്ധ രചന എന്നീ ഇനങ്ങളിലാണ് മത്സരങ്ങൾ നടത്തുന്നത്.
ലോഗോപ്രകാശന ചടങ്ങില്‍ സി.ഇഒ ജില്ലാ പ്രസിഡണ്ട് മുസ്തഫ അബ്ദുൽ ലത്തീഫ് അധ്യക്ഷത വഹിച്ചു.ഉസ്മാൻ താമരത്ത്, അഡ്വ. ആരിഫ്, പി എം.എ സമീർ, ഷരീഫ് കുറ്റൂർ,വി.എ.കെ തങ്ങൾ,ഹാരിസ് ആമിയൻ, അനീസ് കൂരിയാടൻ, വി.കെ.എം ഷാഫി, ജബ്ബാർ വളാഞ്ചേരി,ഹുസൈൻ ഊരകം, സാലിഹ് മാടമ്പി, കെ.പി ജൽസീമിയ എന്നിവര്‍ പങ്കെടുത്തു.