തിരുവനന്തപുരം: ഈ വര്ഷത്തെ എസ്എസ്എല്സി, ടിഎച്ച്എസ്എല്സി പരീക്ഷാ ഫലങ്ങള് മെയ് എട്ടിന്. വിദ്യാഭ്യാസമന്ത്രി 3 മണിക്ക് പ്രഖ്യാപനം നടത്തും. കഴിഞ്ഞ വര്ഷം മെയ് 19നായിരുന്നു എസ്എസ്എല്സി ഫല പ്രഖ്യാപനം. പതിനൊന്നു ദിവസം മുമ്പാണ് ഇത്തവണ ഫലം പ്രഖ്യാപിക്കുന്നത്. രണ്ടാം വര്ഷ ഹയര് സെക്കന്ഡറി, വൊക്കേഷനല് ഹയര് സെക്കന്ഡറി പരീക്ഷാ ഫലപ്രഖ്യാപനവും മേയ് 9 ന് നടത്തും. കഴിഞ്ഞ വര്ഷം മേയ് 25 നാണ് ഫലപ്രഖ്യാപനം നടത്തിയത്.
70 ക്യാമ്പുകളിലായി ഏപ്രില് മൂന്നിനാണ് മൂല്യനിര്ണയം ആരംഭിച്ചത്. ക്യാമ്പ് ഓഫീസര്മാരടക്കം 10,500 അധ്യാപകര് പങ്കെടുത്ത് റെക്കോര്ഡ് വേഗത്തിലാണ് മൂല്യനിര്ണയം പൂര്ത്തിയാക്കിയത്. ഏപ്രില് 3 മുതല് 20 വരെ പതിനാല് ദിവസങ്ങളിലായി മൂല്യനിര്ണയം പൂര്ത്തിയാക്കി. ടാബുലേഷന്, ഗ്രേസ് മാര്ക്ക് എന്ട്രി, എന്നിവ പരീക്ഷാ ഭവനില് പൂര്ത്തിയാക്കി. ഹയര്സെക്കന്ഡറി, വൊക്കേഷണല് ഹയര്സെക്കന്ഡറി മൂല്യനിര്ണവും പൂര്ത്തിയായിട്ടുണ്ട്. 77 ക്യാമ്പുകളിലായി ആയിരുന്നു മൂല്യ നിര്ണയം.
ആകെ 4,41,120 വിദ്യാര്ഥികളാണ് ഹയര്സെക്കന്ഡറി പരീക്ഷ എഴുതിയത്. 2,23,736 ആണ്കുട്ടികളും 2,17,384 പെണ്കുട്ടികളും. ഏപ്രില് 3 മുതല് 24-ാം തീയതി വരെയാണ് മൂല്യനിര്ണയം നടന്നത്. പ്ലസ് വണ്, പ്ലസ് ടു പരീക്ഷാ മൂല്യനിര്ണയത്തില് മൊത്തം 77 ക്യാംപുകളിലായി ഇരുപത്തി അയ്യായിരത്തോളം അധ്യാപകര് പങ്കെടുത്തു. വൊക്കേഷനല് ഹയര്സെക്കന്ഡറി റഗുലര് വിഭാഗത്തില് 27,798, പ്രൈവറ്റ് വിഭാഗത്തില് 1,502 വിദ്യാര്ഥികളാണ് രണ്ടാം വര്ഷ പരീക്ഷയ്ക്ക് റജിസ്റ്റര് ചെയ്തത്.