തിരൂരങ്ങാടി : എസ് വൈ എസ് കൊടിഞ്ഞി സർക്കിൾ വാക്കത്തോൺ സംഘടിപ്പിച്ചു. ‘ഉത്തരവാദിത്തം മനുഷ്യപ്പറ്റിൻ്റെ രാഷ്ട്രീയം’ എന്ന പ്രമേയത്തിൽ ഡിസംബർ 27,28,29 തീയതികളിൽ തൃശൂരിൽ വെച്ച് നടക്കുന്ന എസ് വൈ എസ് പ്ലാറ്റിനം ജൂബിലി കേരള യുവജന സമ്മേളനത്തിൻ്റെ അനുബന്ധ പദ്ധതിയായിട്ടാണ് ‘ആരോഗ്യം തന്നെ ലഹരി’ എന്ന ശീർഷകത്തിൽ കൊടിഞ്ഞി സർക്കിൾ വാക്കത്തോൺ സംഘടിപ്പിച്ചത്.
കൊടിഞ്ഞി സർക്കിൾ പ്രസിഡന്റ്‌ സയ്യിദ് മുജീബ് ജമലുല്ലൈലിയുടെ അദ്ധ്യക്ഷതയിൽ നടന്ന യോഗം കേരള മുസ്ലിം ജമാഅത്ത് നന്നമ്പ്ര സർക്കിൾ പ്രസിഡന്റ്‌ മൂസ സഖാഫി ഉദ്ഘാടനം ചെയ്തു. ജാബിർ സഖാഫി സന്ദേശപ്രഭാഷണം നടത്തി. എസ് വൈ എസ് സർക്കിൾ പ്രസിഡന്റ്‌ ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. ലത്തീഫ് സഖാഫി സ്വാഗതവും നൗഷാദ് നന്ദിയും പറഞ്ഞു.