മലപ്പുറത്ത് പുള്ളിമാനെ കൊന്ന് ഇറച്ചിയുമായി കടക്കുന്നതിനിടയില് ഒരാള് പിടിയില്, കൂടെയുണ്ടായിരുന്നയാള് ഓടി രക്ഷപ്പെട്ടു
മലപ്പുറം: നിലമ്പൂരില് പുള്ളിമാനെ വെടിവെച്ച് കൊന്ന് ഇറച്ചിയുമായി കടക്കുന്നതിനിടയില് ഒരാള് പിടിയില്. കൂടെയുണ്ടായിരുന്നയാള് ഓടി രക്ഷപ്പെട്ടു. ചുങ്കത്തറ പഞ്ചായത്തിലെ ചെമ്പന്കൊല്ലി സ്വദ്ദേശി കണ്ടഞ്ചിറ അയ്യൂബി(28)നെയാണ് നിലമ്പൂര് വനം റേഞ്ച് ഓഫീസര് കെ ജി അന്വറും സംഘവും അറസ്റ്റ് ചെയ്തത്. പുള്ളിമാനിന്റെ പിന്ഭാഗത്ത് ഉള്പ്പെടെ വെടിയേറ്റ പാടുകളുണ്ട്. പുള്ളിമാന്റ കഴുത്ത് അറുത്തശേഷം വയര്കീറി ആന്തരാവയവങ്ങള് പുറത്തെടുത്ത നിലയിലായിരുന്നു. പുള്ളിമാനെ വേട്ടയാടിയ ശേഷം പ്ലാസ്റ്റിക് ചാക്കില് കെട്ടി ബൈക്കിന്റെ പിറകില് വെച്ച് വീട്ടിലേക്ക് മടങ്ങുകയായിരുന്ന പ്രതിയെ വനപാലകര് കീഴ്പ്പെടുത്തുകയായിരുന്നു.
രഹസ്യവിവരത്തെ തുടര്ന്ന് റേഞ്ച് ഓഫീസര് ട്രെയിനി മുഹമ്മദാലി ജിന്ന, ഡെപ്യൂട്ടി റേഞ്ച് ഓഫീസര് കെ ഗിരിഷന് എന്നിവരുടെ നേതൃത്വത്തില് നടത്തിയ പരിശോധനയിലാണ് പുള്ളിമാന് ഇറച്ചിയുമായി കടക്കുന്നതിനിടയില് അ...