ആത്മ സുരക്ഷ ആത്മീയതയുടെ ഭാഗം. പുതിയ കാൽവെപ്പുമായി മോട്ടോർ വാഹന വകുപ്പ്
തിരൂരങ്ങാടി : ആത്മ സുരക്ഷ ആത്മീയതയുടെ ഭാഗം തന്നെയാണ് എന്ന വലിയൊരു പാഠം ആരാധനാലയങ്ങൾ വഴി തന്നെ വിശ്വാസികളിൽ എത്തിക്കുകയാണ് തിരൂരങ്ങാടി മോട്ടോർ വാഹന വകുപ്പ്. റോഡ് സുരക്ഷാ ബോധവൽക്കരണത്തിന്റെ ഏറ്റവും പ്രായോഗികവും ഫലപ്രദവുമായ പുതിയൊരു ഭൂമിക ഇതോടെ യാഥാർത്ഥ്യമാവുകയാണ്. സ്വന്തം ജീവനും ആരോഗ്യത്തിനും ഭീഷണിയായ എന്തും അറിഞ്ഞ് കൊണ്ട് സ്വീകരിക്കുന്നത് മതങ്ങൾ വിലക്കുന്നുണ്ട്. റോഡ് നിയമങ്ങൾ ലംഘിച്ചും അശ്രദ്ധയും നിസ്സംഗതയും പുലർത്തി അപകടങ്ങൾ ക്ഷണിച്ച് വരുത്തുന്നത് ഈ കാഴ്ചപ്പാടിൽ പാപമാണ് എന്ന് പലരും ശ്രദ്ധിക്കാറില്ല. ഈ പശ്ചാത്തലത്തിലാണ് തിരൂരങ്ങാടി ജോയിൻറ് ആർടിഒ എം പി അബ്ദുൽ സുബൈറിന്റെ നേതൃത്വത്തിൽ ഇത്തരമൊരു മുന്നേറ്റത്തിന് തുടക്കം കുറിക്കുന്നത്.ആരാധനാലയ കേന്ദ്രങ്ങളിൽ പഠനം നടത്തുന്ന വിദ്യാർത്ഥികൾക്കും ആരാധനകൾ നിർവഹിക്കാനെത്തുന്ന വിശ്വാസികൾക്കും വിവിധ സാധ്യതകൾ ഉപയോഗപ്പെടുത്തി റോഡ് സുരക്ഷ സന്ദേശം നൽകുകയാ...
