നന്നമ്പ്ര കുടിവെള്ള പദ്ധതി 2024-ല് കമ്മീഷന് ചെയ്യാനാകും: കെ.പി.എ മജീദ്
തിരൂരങ്ങാടി: നന്നമ്പ്ര പഞ്ചായത്തിലെ സമഗ്ര കുടിവെള്ള പദ്ധതി 2024-ല് കമ്മീഷന് ചെയ്യാനാകുമെന്നാണ് പ്രതീക്ഷയെന്ന് കെ.പി.എ മജീദ് എം.എല്.എ പറഞ്ഞു. കുടിവെള്ള പദ്ധതിയുമായി ബന്ധപ്പെട്ട് നന്നമ്പ്രയില് വിളിച്ചു ചേര്ത്ത സര്വ്വ കക്ഷി യോഗത്തില് സംസാരിക്കുകയായിരുന്നു എം.എല്.എ. നന്നമ്പ്രയിലെ എട്ടായിരത്തോളം വരുന്ന കുടുംബങ്ങള്ക്ക് വെള്ളമെത്തിക്കുന്നതിന് 96.8 കോടി രൂപയുടെ ഭരണാനുമതി ലഭിച്ചിട്ടുണ്ട്. അതിന്റെ പ്രവര്ത്തികള് ആരംഭിക്കുന്നതിനായുള്ള ടെണ്ടര് പ്രവൃത്തികളിലേക്ക് കടക്കുകയാണ്. പേപ്പര് വര്ക്കുകള് വേഗത്തില് പൂര്ത്തിയാക്കി പദ്ധതി യാഥാര്ത്ഥ്യമാക്കുന്നതിനായി ശ്രമമെന്നും അതിന് എല്ലാവരും സഹകരിക്കണമെന്നും എം.എല്.എ യോഗത്തില് പറഞ്ഞു.ബാക്കിക്കയത്ത് സ്ഥാപിക്കുന്ന എട്ട് മീറ്റര് വ്യാസത്തിലുള്ള കിണറില് നിന്നും ചുള്ളിക്കുന്നില് സ്ഥാപിക്കുന്ന വാട്ടര് ട്രീറ്റ്മെന്റ് പ്ലാന്റില് വെള്ളമെത്തിക്കാനാണ്...
