എസ്എസ്എൽസി, ഹയർ സെക്കൻഡറി പരീക്ഷ: തയ്യാറെടുപ്പുകൾ പൂർത്തിയായെന്ന് മന്ത്രി
സംസ്ഥാനത്ത് എസ്എസ്എൽസി, ഹയർ സെക്കഡറി, വൊക്കേഷണൽ ഹയർ സെക്കഡറി പരീക്ഷകൾക്കുള്ള തയാറെടുപ്പുകൾ പൂർത്തിയായതായി വിദ്യാഭ്യാസ മന്ത്രി വി. ശിവൻകുട്ടി.
എസ്എസ്എൽസി പരീക്ഷ മാർച്ച് 31ന് ആരംഭിച്ച് ഏപ്രിൽ 29 ന് അവസാനിക്കും. ഐടി പ്രാക്ടിക്കൽ പരീക്ഷ മേയ് 3 മുതൽ 10 വരെ നടക്കും. 4,27,407 വിദ്യാർഥികൾ എസ്എസ്എൽസി പരീക്ഷ എഴുതും. 4,26,999 പേർ റെഗുലറായും 408 പേർ പ്രൈവറ്റായും പരീക്ഷയെഴുതും. 2,18,902 ആൺകുട്ടികളും 2,08,097 പെൺകുട്ടികളുമാണ് പരീക്ഷയെഴുതുന്നത്. 2,962 കേന്ദ്രങ്ങളിലാണ് പരീക്ഷ നടക്കുന്നത്. ഗൾഫ് മേഖലയിൽ ഒൻപത് കേന്ദ്രങ്ങളിലായി 574 വിദ്യാർഥികളും ലക്ഷദ്വീപിൽ ഒൻപത് കേന്ദ്രങ്ങളിലായി 882 വിദ്യാർഥികളും പരീക്ഷയെഴുതും.
രണ്ടാം വർഷ ഹ...
