വെഞ്ചാലിയിൽ അടക്ക കള്ളന്മാർ പിടിയിൽ
ചെമ്മാട് : വെഞ്ചാലിയിലെ പറമ്പിൽ നിന്നും അടക്ക മോഷ്ടിച്ചു കടത്തുന്നതിനിടെ മോഷ്ടാക്കൾ പിടിയിൽ. പറമ്പിലെ കവുങ്ങിൽ കയറി അടക്ക പറിച്ച് ചാക്കിലാക്കി കൊണ്ടു പോകുകയായിരുന്നു. വഴിയിൽ വെച്ച് സംശയം തോന്നി ചോദ്യം ചെയ്തപ്പോഴാണ് മോഷണം അറിഞ്ഞത്. തുടർന്ന് പഞ്ചായത്ത് അംഗവും ഉടമകളും നടത്തിയ ചർച്ചയിൽ മോഷ്ടാക്കളെ താക്കീത് ചെയ്തു വിട്ടയച്ചു. പരിസര പ്രദേശത്തുകാരാണ് മോഷ്ടാക്കൾ. കൊടിഞ്ഞി കൊറ്റത്ത്, അൽ അമീൻ നഗർ എന്നീ പ്രദേശത്തുകരുടെ അടക്കയാണ് മോഷണം പോയത്. മേഖലയിൽ തേങ്ങയും അടക്കയും മോഷണം പോകുന്നത് പതിവാണ്. ഏതാനും ദിവസങ്ങൾക്ക് മുമ്പ് കണ്ണാടി തടത്ത് പൊളിച്ചു വെച്ച തേങ്ങ പട്ടാപ്പകൽ മോഷണം പോയിരുന്നു. ചാക്കിലാക്കി സൂക്ഷിച്ച തേങ്ങ ഓട്ടോയിൽ കയറ്റി കൊണ്ടു പോകുകയായിരുന്നു. കൊടിഞ്ഞി കുറൂൽ സ്വദേശികളുടെ തേങ്ങയാണ് മോഷണം പോയത്. തൊട്ടടുത്ത പ്രദേശത്തുകാരനായ മോഷ്ടാവിനെ പിടികൂടുകയും ചെയ്തിരുന്നു....