കണ്ണമംഗലം : വിനോദ സഞ്ചാര കേന്ദ്രമായ ചെരുപ്പടി മല കണ്ടു തിരിച്ചു വരുമ്പോൾ ചേറക്കാട് വെച്ചുണ്ടായ അപകടത്തിൽ ബൈക്ക് യാത്രക്കാരനായ വിദ്യാർഥി മരിച്ചു. പുളിയംപറമ്ബ് സ്വദേശി തോട്ടോളി കീർനാൽക്കൽ അബ്ബാസിന്റെ മകൻ മുഹമ്മദ് സുഹൈൽ (18) ആണ് മരിച്ചത്. ഇന്നലെ വൈകുന്നേരം 3 മണിക്കാണ് അപകടം. റോഡിലെ ഹമ്പിൽ തട്ടി. നിയന്ത്രണം വിട്ട് ബൈക്ക് മറിയുകയായിരുന്നു. ഉടനെ താലൂക്ക് ആശുപത്രിയിലും തുടർന്ന് കോഴിക്കോട് മെഡിക്കൽ കോളേജ് ആശുപത്രിയിലും പ്രവേശിപ്പിച്ചു. ഇന്ന് രാവിലെ മരിച്ചു.
വാർഡ് എം എസ് എഫ് കമ്മിറ്റി ട്രഷറർ ആയിരുന്നു. മാതാവ്, റാബിയ മംഗലശ്ശേരി. സഹോദരങ്ങൾ,മുഹമ്മദ് നിഹാൽ, ഫാത്തിമ ഹന, ഫാത്തിമ നിഹല