തൃശൂര്‍ : 4 കിലോഗ്രാം കഞ്ചാവുമായി മൂന്ന് യുവാക്കളെ എക്‌സൈസ് അറസ്റ്റ് ചെയ്തു. തൃശ്ശൂര്‍ മരത്താക്കരയില്‍ നിന്നും ബൈക്കില്‍ കടത്തുകയായിരുന്ന 1.25 കിലോഗ്രാം കഞ്ചാവുമായി തൃശൂര്‍ സ്വദേശികളായ ആഷിഷ്, വൈശാഖ് എന്നിവരെയാണ് അദ്യം അറസ്റ്റ് ചെയ്തത്. തുടര്‍ന്ന് ഇവരില്‍ നിന്നും ലഭിച്ച വിവരത്തിന്റെ അടിസ്ഥാനത്തില്‍ പുത്തൂര്‍ കുറുപ്പുംപടി സ്വദേശിയായ വിനുവിനെ 2.75 കിലോഗ്രാം കഞ്ചാവുമായി പിടികൂടുകയായിരുന്നു.
എക്‌സൈസ് കമ്മിഷണര്‍ സ്‌ക്വാഡ് അംഗമായ ചാവക്കാട് എക്‌സൈസ് റേഞ്ച് ഇന്‍സ്പെക്ടര്‍ ഹരീഷ് സി.യു, തൃശൂര്‍ റേഞ്ച് ഇന്‍സ്പെക്ടര്‍ മുഹമ്മദ് അഷറഫ് എന്നിവരും പാര്‍ട്ടിയും ചേര്‍ന്നാണ് പ്രതികളെ പിടികൂടിയത്. പാര്‍ട്ടിയില്‍ അസിസ്റ്റന്റ് എക്‌സൈസ് ഇന്‍സ്പെക്ടര്‍ കിഷോര്‍, പ്രിവന്റീവ് ഓഫീസര്‍ ടി.ജി മോഹനന്‍, കൃഷ്ണപ്രസാദ് എം.കെ, ശിവന്‍ എന്‍.യു, സിവില്‍ എക്‌സൈസ് ഓഫീസര്‍മാരായ വിശാല്‍ പി.വി, സനീഷ് കുമാര്‍ ടി.എസ്, സിജൊമോന്‍, ഡ്രൈവര്‍ ശ്രീജിത്ത് എന്നിവര്‍ പങ്കെടുത്തു.