വയനാട് : ബത്തേരിയില് അരക്കിലോ എംഡിഎംഎയുമായി മൂന്നു യുവാക്കള് പിടിയില്. കൊടുവള്ളി വാവാട് പുല്ക്കുഴിയില് മുഹമ്മദ് മിദ് ലജ് (28), ബത്തേരി പള്ളിക്കണ്ടി സ്വദേശികളായ നടുവില് പീടികയില് ജാസിം അലി (26), പുതിയ വീട്ടില് അഫ്താഷ് (29) എന്നിവരെയാണ് അറസ്റ്റു ചെയ്തത്. ജില്ലയിലെ ഏറ്റവും വലിയ ലഹരിമരുന്നു വേട്ടയാണ് ഇത്.
രഹസ്യ വിവരത്തിന്റെ അടിസ്ഥാനത്തില് ബത്തേരി പൊലീസ് ഇന്സ്പെക്ടര് എം.എ. സന്തോഷും സംഘവും ദേശീയപാതയില് മുത്തങ്ങ ആര്ടിഒ ചെക്ക് പോസ്റ്റിനു സമീപം നടത്തിയ വാഹന പരിശോധനയിലാണ് കാറില് കടത്തുകയായിരുന്ന എംഡിഎംഎ പിടികൂടിയത്. ഇന്നലെ രാത്രിയോടെയായിരുന്നു മൂവരും പിടിയിലായത്.