തിരൂരങ്ങാടി: ദാറുല്ഹുദാ ഇസ്ലാമിക് സര്വകലാശാലയുടെ പൊതു വിദ്യാഭ്യാസ വിഭാഗമായ സെന്റര് ഫോര് പബ്ലിക് എഡ്യൂക്കേഷന് ആന്ഡ് ട്രെയ്നിങി (സിപെറ്റ്) ന് കീഴില് ആരംഭിക്കുന്ന സര്ട്ടിഫിക്കറ്റ് ഇന് മോറല് സ്റ്റഡീസ് (സി.എം.എസ്) വനിതാ ഓണ്ലൈന് കോഴ്സിന് അപേക്ഷ ക്ഷണിച്ചു.
ഇരുപത് വയസ്സ് തികഞ്ഞ മദ്രസ ഏഴാം തരം പഠനവും സ്കൂള് പത്താം തരം/ തത്തുല്യ പഠനമോ പൂര്ത്തിയാക്കിയ വനിതകള്ക്കാണ് അപേക്ഷിക്കാന് അവസരം. തഫ്സീര്, ഹദീസ്, അഖീദ, തസ്വവ്വുഫ്, കര്മശാസ്ത്രം, ഖുര്ആന് പാരായണ ശാസ്ത്രം, കുടുംബ ശാസ്ത്രം, ഇസ്ലാമിക ചരിത്രം, അറബി ഭാഷ പഠനം തുടങ്ങിയ പാഠ്യ വിഷയങ്ങളോടൊപ്പം വിവിധ പഠ്യേതര പ്രവര്ത്തനങ്ങളും അടങ്ങിയ രണ്ട് വര്ഷത്തെ ഓണ്ലൈന് കോഴ്സാണ് സി.എം.എസ്.
വാഴ്സിറ്റിയുടെ ഔദ്യോഗിക വെബ്സൈറ്റ് വഴിയാണ് അപേക്ഷിക്കേണ്ടത്. വിശദ വിവരങ്ങള്ക്ക് 9746229547 എന്ന നമ്പറില് ബന്ധപ്പെടുക.