പരപ്പനങ്ങാടി : ചുടലപ്പറമ്പ് മൈതാനിയിലെ കായിക കൂട്ടായ്മയായ പരപ്പനാട് വാക്കേസ് ക്ലബ്ബും പരപ്പനങ്ങാടി ബി ഇ എം ഹയര്സെക്കന്ഡറി സ്കൂളിലെ സ്റ്റുഡന്റ് പോലീസ് കേഡറ്റ്സും സംയുക്തമായി അന്താരാഷ്ട്ര യോഗദിനം ആചരിച്ചു. യോഗാചാര്യന് സുനില്കുമാറിന്റെ നേതൃത്വത്തില് നൂറോളം പേര് സൗജന്യ യോഗ പരിശീലനത്തില് പങ്കെടുത്തു.
ചടങ്ങില് ഇന്ഡോ അറബ് എക്സലന്സ് അവാര്ഡ് നേടിയ ഡോ. എം എ കബീറിനെയും, വാക്കേഴ്സ് ക്ലബ്ബിലൂടെ കായിക പരിശീലനം പൂര്ത്തിയാക്കി ഗവണ്മെന്റ് യൂണിഫോം സര്വീസില് പ്രവേശിച്ച സജിത സിപി, വിജി.പി.പി , ഹരിത.ടി.പി എന്നിവരെയും കൂടാതെ നാഷണല് യോഗാസന ജഡ്ജായി തെരഞ്ഞെടുത്ത ധന്യ പി പി യെയും, സി കെ നായിഡു ട്രോഫി 25 കേരള ടീമിനെ പ്രതിനിധീകരിച്ച മുഹമ്മദ് ഇസ്ഹാക്കിനെയും ആദരിച്ചു.
കണ്വീനര് കെ ടി വിനോദ് സ്വാഗതം പറഞ്ഞ ചടങ്ങ് വിശിഷ്ടാതിഥി ഡോ.കബീര് മഞ്ചേരി ഉദ്ഘാടനം ചെയ്തു. പ്രസിഡണ്ട് കെ ഉണ്ണികൃഷ്ണന് അധ്യക്ഷത വഹിച്ചു. അധ്യാപകരായ റയോണ് ,ചന്ദ്രന് മാസ്റ്റര്, ക്ലബ്ബ് ഭാരവാഹികളായ മനോജ്. ടി, കുഞ്ഞിമരക്കാര്, സന്ദീപ് ടി കെ, ഷീബ. പി, രവീന്ദ്രന് എന്നിവര് ആശംസകള് അറിയിച്ചു.
