റിയാദ്: ബുറൈദക്കടുത്ത് വാഹനാപകടത്തില് രണ്ടു മലയാളികള് മരിച്ചു. അല്റാസിലെ നബ്ഹാനിയയില് പുലര്ച്ചെ മൂന്നു മണിക്കാണ് സംഭവം.
മലപ്പുറം മക്കരപ്പറമ്പ് കാച്ചിനിക്കാട് സ്വദേശി ചെറുശ്ശോല ഇഖ്ബാല് (44), മഞ്ചേരി വള്ളിക്കാപ്പറ്റ സ്വദേശി വെള്ളക്കാട്ട് ഹുസൈന് (23) എന്നവരാണ് മരിച്ചത്. ഹുറൈമലയില് ജോലി ചെയ്യുന്ന ഇവര് കുടുംബ സമേതം മദീനയിലേക്ക് പുറപ്പെട്ടതായിരുന്നു. കുടുംബത്തിലെ മറ്റുളളവരെ പ്രാഥമിക ചികിത്സ നല്കി ആശുപത്രിയില് നിന്ന് ഡിസ്ചാര്ജ് ചെയ്തു. അല്റാസ് കെ.എം.സി.സി പ്രസിഡന്റ് ശുഐബ്, ഉനൈസ കെഎംസിസി പ്രസിഡന്റ് ജംഷീര് മങ്കട, റിയാദ് കെഎംസിസി വെല്ഫയര് വിംഗ് ചെയര്മാന് സിദ്ദീഖ് തുവ്വൂര് എന്നിവര് ബന്ധുക്കളെ സഹായിക്കാന് രംഗത്തുണ്ട്.