കൊല്ലം: ബൈക്കും ഓട്ടോയും കൂട്ടിയിടിച്ചതിന് പിന്നാലെ മൂന്ന് ബൈക്കുകളും ഇടിച്ചുകയറി യുവാവ് മരിച്ചു. അപകടത്തില് ഏഴു പേര്ക്ക് പരിക്കേറ്റു. പുനലൂര്- അഞ്ചല് പാതയില് കരവാളൂര് പിറക്കല് പാലത്തിന് സമീപമാണ് അപകടം. വെഞ്ചേമ്പ് വേലംകോണം ചാരുംകുഴി പുത്തന്വീട്ടില് സ്വാതി പ്രകാശ് ആണ് മരിച്ചത്.
ബുള്ളറ്റും ഓട്ടോറിക്ഷയും തമ്മില് കൂട്ടിയിടിക്കുകയും അതിന് പുറകിലായി വന്ന മറ്റ് മൂന്ന് ബൈക്കുകളും ഇടിച്ചുകയറുകയുമായിരുന്നു. പരിക്കേറ്റവരെ പുനലൂര് താലൂക്ക് ആശുപത്രിയിലേക്ക് കൊണ്ടുപോയി. കരവാളൂര് ക്ഷേത്രത്തിലെ ഉത്സവവുമായി ബന്ധപ്പെട്ട ആനയെ ആഘോഷ പൂര്വ്വം കൊണ്ടുവരുന്ന സംഘമാണ് അപകടത്തില് പെട്ടത്.