കാലിക്കറ്റ് യൂണിവേഴ്‌സിറ്റി അറിയിപ്പുകള്‍

ബി.കോം. അഡീഷണൽ സ്പെഷ്യലൈസേഷൻ അപേക്ഷ ക്ഷണിച്ചു

കാലിക്കറ്റ് സർവകലാശാലയിൽ നിന്ന് ബി.കോം. ബിരുദമെടുത്തവർക്ക് പ്രൈവറ്റ് രജിസ്‌ട്രേഷൻ മുഖേന ഫിനാൻസ്, കോ – ഓപ്പറേഷൻ എന്നീ വിഷണങ്ങളിൽ അഡീഷണൽ സ്പെഷ്യലൈസേഷൻ നേടുന്നതിനുള്ള അപേക്ഷ ക്ഷണിച്ചു. ഓൺലൈനായി പിഴ കൂടാതെ ആഗസ്റ്റ് നാല് വരെയും 100/- രൂപ പിഴയോടെ എട്ട് വരെയും 500/- രൂപ പിഴയോടെ 16 വരെയും രജിസ്റ്റർ ചെയ്യാം. അപേക്ഷയുടെ പ്രിന്റൗട്ടും വിജ്ഞാപനത്തിൽ പറഞ്ഞ മുഴുവൻ രേഖകളും സഹിതം ഡെപ്യൂട്ടി രജിസ്ട്രാർ ( പ്രൈവറ്റ് രജിസ്‌ട്രേഷൻ ), സി.ഡി.ഒ.ഇ. ബിൽഡിംഗ്, യൂണിവേഴ്സിറ്റി ഓഫ് കാലിക്കറ്റ്, കാലിക്കറ്റ് യൂണിവേഴ്സിറ്റി പി.ഒ. – 673635 എന്ന വിലാസത്തിൽ ആഗസ്റ്റ് 23-നുള്ളിൽ ലഭ്യമാക്കണം. വിശദമായ വിജ്ഞാപനം വെബ്സൈറ്റിൽ https://www.uoc.ac.in/ . ഫോൺ : 0494 2407356.

പി.ആർ. 933/2025

ബി.ടെക്. ലാറ്ററൽ എൻട്രി സ്പോട്ട് അഡ്മിഷൻ

കാലിക്കറ്റ് സർവകലാശാലാ എൻജിനീയറിങ് കോളേജിൽ ( ഐ.ഇ.ടി. ) 2025 – 26 അധ്യ യന വർഷത്തെ ബി.ടെക്. ലാറ്ററൽ എൻട്രി പ്രവേശനത്തിനുള്ള സ്പോട്ട് അഡ്മിഷൻ ജൂലൈ 21-ന് നടക്കും. ഇലക്ട്രോണിക്സ് ആന്റ് കമ്മ്യൂണിക്കേഷൻ എഞ്ചിനീയറിംഗ് (ECE) – 4, ഇലക്ട്രോണിക്സ് ആന്റ് കമ്പ്യൂട്ടർ സയൻസ് (EP) – 1, ഇലക്ട്രിക്കൽ ആന്റ് ഇലക്ട്രോണിക്സ് എഞ്ചിനീയറിംഗ് (EEE) – 12, മെക്കാനിക്കൽ എഞ്ചിനീയറിംഗ് (ME) – 12, പ്രിന്റിങ് ടെക്നോളജി (PT) – 4 എന്നിങ്ങനെയാണ് ഒഴിവുകൾ. ലാറ്ററൽ എൻട്രി പരീക്ഷാ റാങ്ക് ലിസ്റ്റിലുൾപ്പെട്ടവർക്ക് അസൽ രേഖകൾ സഹിതം രാവിലെ 11 മണിക്ക് മുൻപ് കോളേജിൽ ഹാജരായി പ്രവേശനം നേടാം. കൂടുതൽ വിവരങ്ങൾക്ക് ഫോൺ :  9567172591.

പി.ആർ. 934/2025

എം.എസ് സി. ഫുഡ് സയൻസ് ആന്റ് ടെക്‌നോളജി:എൻ.ആർ.ഐ. ക്വാട്ട പ്രവേശനം

കാലിക്കറ്റ് സർവകലാശാലാ സ്കൂൾ ഓഫ് ഹെൽത് സയൻസസിൽ എം.എസ് സി. ഫുഡ് സയൻസ് ആന്റ് ടെക്‌നോളജി പ്രോഗ്രാമിന് എൻ.ആർ.ഐ. ക്വാട്ട സീറ്റൊഴിവുണ്ട്. യോഗ്യത : ബി.എസ് സി. ഫുഡ് സയൻസ്, ബി.വോക്. ഫുഡ് സയൻസ്, ബി.വോക്. ഫുഡ് സയൻസ് ആന്റ് ടെക്‌നോളജി, ബി.വോക്. ഫുഡ് പ്രോസസ്സിംഗ്, ബി.വോക്. ഫുഡ് പ്രോസസ്സിംഗ് ആന്റ് ടെക്‌നോളജി. പ്രവേശനം ആഗ്രഹിക്കുന്നവർ ജൂലൈ 23-ന് (ബുധൻ) വൈകീട്ട് അഞ്ചു മണിക്ക് മുൻപായി നേരിട്ടോ [email protected] എന്ന ഇ-മെയിൽ വിലാസത്തിലേക്കോ പാസ്പോട്ട്, ഓൺലൈൻ അപേക്ഷയുടെ പ്രിന്റ് ഔട്ട്, അസൽ ചലാൻ, എസ്.എസ്.എൽ.സി., പ്ലസ്‌ടു, ബിരുദ മാർക്ക് ലിസ്റ്റ് / സർട്ടിഫിക്കറ്റ് എന്നിവയുടെ പകർപ്പുകൾ സഹിതം അയക്കേണ്ടതാണ്. കൂടുതൽ വിവരങ്ങൾക്ക് ഫോൺ : 8089841996.

പി.ആർ. 935/2025

വിമൻസ് സ്റ്റഡീസ് പഠനവകുപ്പിൽ  പി.ജി. പ്രവേശനം

കാലിക്കറ്റ് സർവകലാശാലാ വിമൻസ് സ്റ്റഡീസ് പഠനവകുപ്പിൽ 2025 – 26 അധ്യയന വർഷത്തെ പി.ജി. പ്രവേശനത്തിന് സ്പോർട്സ് ക്വാട്ട /  വെയ്റ്റിംഗ് ലിസ്റ്റിലുൾപ്പെട്ടവരുടെ പ്രവേശനം ജൂലൈ 21 – ന് നടക്കും. യോഗ്യരായവർക്ക് പ്രവേശന മെമ്മോ ഇ – മെയിൽ ചെയ്തിട്ടുണ്ട്. വിദ്യാർഥിൾ അസൽ സർട്ടിഫിക്കറ്റുകൾ സഹിതം രാവിലെ 10 മണിക്ക് പഠനവകുപ്പിൽ ഹാജരാകണം. ഫോൺ : 0494 2407366, ഇ – മെയിൽ : [email protected] .

പി.ആർ. 936/2025

മണ്ണാർക്കാട് സി.സി.എസ്.ഐ.ടിയിൽ എം.സി.എ. / ബി.എസ് സി. – എ.ഐ. ഹോണേഴ്‌സ് സീറ്റൊഴിവ്

മണ്ണാർക്കാടുള്ള കാലിക്കറ്റ് സർവകലാശാലാ സെന്റർ ഫോർ കമ്പ്യൂട്ടർ സയൻസ് ആന്റ് ഇൻഫർമേഷൻ ടെക്നോളജിയിൽ ( സി.സി.എസ്.ഐ.ടി. ) എം.സി.എ. / ബി.എസ് സി. – എ.ഐ. ഹോണേഴ്‌സ് പ്രോഗ്രാമുകളിൽ സീറ്റൊഴിവുണ്ട്. സർവകലാശാലാ ക്യാപ് ( CAP ) രജിസ്‌ട്രേഷൻ ചെയ്യാത്തവർക്കും പ്രവേശനം നേടാം. എസ്.സി. / എസ്.ടി. / ഒ.ഇ.സി. വിഭാഗക്കാർക്ക് 100 % ഫീസിളവ് ലഭിക്കും. കൂടുതൽ വിവരങ്ങൾക്ക് ഫോൺ : 9446670011, 8891209610.

പി.ആർ. 937/2025

എം.സി.എ., എം.എസ് സി. കമ്പ്യൂട്ടർ സയൻസ്:അധ്യാപക നിയമനം

കാലിക്കറ്റ് സർവകലാശാലാ ക്യാമ്പസിൽ പ്രവർത്തിക്കുന്ന സെന്റർ ഫോർ കമ്പ്യൂട്ടർ സയൻസ് ആന്റ് ഇൻഫർമേഷൻ ടെക്നോളജിയിൽ ( സി.സി.എസ്.ഐ.ടി. ) 2025 അധ്യയന വർഷത്തെ എം.സി.എ., എം.എസ് സി. കമ്പ്യൂട്ടർ സയൻസ് പ്രോഗ്രാമുകളിലെ വിവിധ വിഷയങ്ങൾ കൈകാര്യം ചെയ്യുന്നതിന് മണിക്കൂറടിസ്ഥാനത്തിൽ ഗസ്റ്റ് അധ്യാപകരെ ആവശ്യമുണ്ട്. യോഗ്യത : അതത് വിഷയത്തിലുള്ള ബിരുദാനന്തര ബിരുദവും നെറ്റും. പി.എച്ച്.ഡി. ഉള്ളവർക്ക് മുൻഗണന നൽകും. മേല്പറഞ്ഞ യോഗ്യതയുള്ളവരുടെ അഭാവത്തിൽ നെറ്റ് ഇല്ലാത്തവരെയും പരിഗണിക്കും. അഭിമുഖം സർവകലാശാലാ ക്യാമ്പസിലെ സി.സി.എസ്.ഐ.ടിയിൽ വെച്ച് ജൂലൈ 28-ന് രാവിൽ 11 മണിക്ക് നടക്കും.

പി.ആർ. 938/2025

ലൈബ്രേറിയൻ അഭിമുഖം

കാലിക്കറ്റ് സർവകലാശാലാ എൻജിനീയറിങ് കോളേജിലെ ( ഐ.ഇ.ടി. ) ലൈബ്രേറിയൻ തസ്തികയിലേക്ക് കരാറടിസ്ഥാനത്തിലുള്ള നിയമനത്തിനായി ഓൺലൈൻ അപേക്ഷ സമർപ്പിച്ചവരിൽ യോഗ്യരായി കണ്ടെത്തിയവർക്കുള്ള അഭിമുഖം ജൂലൈ 28-ന് സർവകലാശാലാ ഭരണകാര്യാലയത്തിൽ നടക്കും. യോഗ്യരായവരുടെ പേരുവിവരങ്ങളും അവർക്കുള്ള നിർദേശങ്ങളും സർവകലാശാലാ വെബ്‌സൈറ്റിൽ ലഭ്യമാണ്.

പി.ആർ. 939/2025

പരീക്ഷാ അപേക്ഷ

ബി.ബി.എ. എൽ.എൽ.ബി. ഹോണേഴ്‌സ് – രണ്ടാം സെമസ്റ്റർ ( 2019 മുതൽ 2024 വരെ പ്രവേശനം), നാലാം സെമസ്റ്റർ (2019 മുതൽ 2023 വരെ പ്രവേശനം), ആറാം സെമസ്റ്റർ (2019 മുതൽ 2022 വരെ പ്രവേശനം), എട്ടാം സെമസ്റ്റർ (2019 മുതൽ 2021 വരെ പ്രവേശനം), പത്താം സെമസ്റ്റർ (2019, 2020 വരെ പ്രവേശനം) ഏപ്രിൽ 2025 റഗുലർ / സപ്ലിമെന്ററി പരീക്ഷകൾക്കും രണ്ട്, നാല്, ആറ്, എട്ട്, പത്ത് സെമസ്റ്റർ (2017, 2018 പ്രവേശനം) നവംബർ 2025 സപ്ലിമെന്ററി പരീക്ഷകൾക്കും മൂന്ന് വർഷ എൽ.എൽ.ബി. യൂണിറ്ററി ഡിഗ്രി രണ്ടാം സെമസ്റ്റർ (2019 മുതൽ 2024 വരെ പ്രവേശനം), നാലാം സെമസ്റ്റർ (2019 മുതൽ 2023 വരെ പ്രവേശനം), ആറാം സെമസ്റ്റർ (2019 മുതൽ 2022 വരെ പ്രവേശനം) ഏപ്രിൽ 2025 റഗുലർ / സപ്ലിമെന്ററി പരീക്ഷകൾക്കും പിഴ കൂടാതെ ആഗസ്റ്റ് ആറ് വരെയും 200/- രൂപ പിഴയോടെ 12 വരെയും അപേക്ഷിക്കാം.

പി.ആർ. 940/2025

പരീക്ഷാഫലം

എം.എ. പൊളിറ്റിക്കൽ സയൻസ് (CCSS) ഒന്നാം സെമസ്റ്റർ നവംബർ 2024 നാലാം സെമസ്റ്റർ ഏപ്രിൽ 2025 പരീക്ഷകളുടെ ഫലം പ്രസിദ്ധീകരിച്ചു.

രണ്ടാം സെമസ്റ്റർ എൽ.എൽ.എം. ഏപ്രിൽ 2025 റഗുലർ / സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു.

നാലാം സെമസ്റ്റർ (2023 പ്രവേശനം) എം.എസ് സി. റേഡിയേഷൻ ഫിസിക്സ് ഏപ്രിൽ 2025 പരീക്ഷയുടെ ഫലം പ്രസിദ്ധീകരിച്ചു.

ബാച്ചിലർ ഓഫ് ഇന്റീരിയർ ഡിസൈൻ (പ്രൈവറ്റ് രജിസ്‌ട്രേഷൻ) മൂന്നാം സെമസ്റ്റർ നവംബർ 2018, നാലാം സെമസ്റ്റർ ഏപ്രിൽ 2019 സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 28 വരെ അപേക്ഷിക്കാം.

പി.ആർ. 941/2025