കണ്ണൂര്‍ : കണ്ണൂര്‍ സര്‍വകലാശാല തെരഞ്ഞെടുപ്പില്‍ കെ എസ് യു കാസര്‍ഗോഡ് ജില്ലാ നേതൃത്വം എസ്എഫ്‌ഐക്ക് വേണ്ടി യൂത്ത് കോണ്‍ഗ്രസിനെ ഒറ്റിയെന്ന് ആരോപണം. കെ എസ് യു ജില്ലാ പ്രസിഡന്റ് അഡ്വ. ജവാദ് പുത്തൂരിനെതിരെ രാജ് മോഹന്‍ ഉണ്ണിത്താന്‍ എംപിക്ക് യൂത്ത് കോണ്‍ഗ്രസ് ജില്ലാ സെക്രട്ടറി മാര്‍ട്ടിന്‍ അബ്രഹാം പരാതി നല്‍കി.
കണ്ണൂര്‍ സര്‍വകലാശാല തെരഞ്ഞെടുപ്പില്‍ കെ എസ് യു യുയുസി വോട്ട് ചെയ്യാതിരിക്കാന്‍ എസ്എഫ്‌ഐയില്‍ നിന്ന് പണം കൈപ്പറ്റിയെന്നും പരാതിയില്‍ പറയുന്നു. ഇരുപത്തിയാറാം തവണയും കണ്ണൂര്‍ സര്‍വകലാശാല ഭരണം എസ്എഫ്‌ഐ നിലനിര്‍ത്തിയിരുന്നു. എട്ടു സീറ്റുകളിലേക്ക് നടന്ന തിരഞ്ഞെടുപ്പില്‍ രണ്ടു സീറ്റ് എസ്എഫ്‌ഐയില്‍നിന്ന് യുഡിഎസ്എഫ് പിടിച്ചെടുത്തു. യൂണിയന്‍ ചെയര്‍പേഴ്‌സന്‍ ഉള്‍പ്പെടെ അഞ്ച് ജനറല്‍ സീറ്റുകളും കണ്ണൂര്‍ ജില്ലാ റെപ്രസെന്റേറ്റീവ് സീറ്റുമാണ് എസ്എഫ്‌ഐയ്ക്ക് ലഭിച്ചത്. നന്ദജ് ബാബു യൂണിയന്‍ ചെയര്‍പേഴ്‌സനായി തിരഞ്ഞെടുക്കപ്പെട്ടു.
കാസര്‍കോട്, വയനാട് ജില്ലാ റെപ്രസെന്റേറ്റീവ് സീറ്റുകളാണ് കെഎസ്യു- എംഎസ്എഫ് സഖ്യമായ യുഡിഎസ്എഫ് പിടിച്ചത്.